Ayuda
Setenta muyeres participaron nos siete talleres que la Conceyalía d'Igualdá entamó nos priemros seis meses del añu, ocupándose práuticamente toles places qu'había. Amás de los talleres, otra de les actividaes con más aceutación fueron les cuatro visites guiaes a esposiciones y equipamientos culturales, nes que participaron 64 muyeres. Sobre too l'amuesa de Purita Campos na sala del Cómic.
La conceyala d'Igualdá, Lucía Fernández Ron, informó sobre les actividaes que se ficieron yá y les que se van poder facer, como ye una segunda edición del campus feminista.
La conceyala tamién informó sobre'l centru integral nuevu pa la muyer que se va iguar nel edificiu cedíu pola conseyería de Derechos Sociales, nel númberu 27 de la cai de La Ferrería. Centralizará tolos servicios dependientes de la Conceyalía d'Igualdá, que tán agora nel Edificiu Fuero.
Actividaes previstes:
Club de llectura "Una habitación propia"
- 27 de xunu a les 18:00 hores nel Palaciu de Valdecarzana
Los niños perdidos, de Valeria Luiselli. Conferencia de Raisa Gorgojo Iglesias pa pesllar el ciclu
II Campus Feminista d'Avilés
Fadráse dende'l 11 hasta'l 15 de xunetu de
Concursos:
I Concursu de Carteles 25N
Podrán participar los y les estudiantes de terceru y cuartu d'Educación Secundaria Obligatoria, de primeru y segundu de Bachilleratu y de ciclos formativos de Formación Profesional matriculaos esti cursu en cualquiera de los Institutos Públicos o Centros Concertaos del Conceyu d'Avilés.
El tema escoyíu pa los carteles tará rellacionáu col día que se festexa.
El plazu de presentación de solicitúes ye hasta'l 30 de xunu de 2022.
El premiu ye de 700 euros.
XXIV Concursu de Carteles 8M
Podrán participar nel concursu toles persones mayores de 18 años con nacionalidá española o que vivan n'España.
El tema pa los carteles tará rellacionaáu col día que se festexa.
El plazu de presentación de candidatures sedrá d'un mes, dende'l día siguiente al de la so publicación nel BOPA.
El premiu ye de 900 euros.
XXIV Concursu de Retratos del 8M
Podrán participar toles muyeres mayores de 18 años con nacionalidá española o que vivan n'España.
El tema escoyíu tará rellacionáu col día que se festexa.
El plazu de presentación de candidatures sedrá d'un mes, dende'l día siguiente al de la so publicación nel BOPA.
El premiu ye de 500 euros.
- Igualdad