La entidá financiera ABANCA y el Centru d'Empreses La curtidora renovaron el so acuerdu de collaboración pol que les dos entidaes comprométense col espoxigue y l'afitamientu de les empreses asturianes.
El conveniu firmólu'l coordinador de Negociu Institucional d'ABANCA en Lugo/Asturies /Lleón, José Antonio Maira, y l'alcaldesa d'Avilés y presidenta de la sociedá de Desarrollu La Curtidora, Mariví Monteserín. Nel actu tamién tuvo'l conceyal de Desarrollu Urbanu y Económicu, Manuel Camoa, y tamién direutivos del bancu.
Con esti alcuerdu, el bancu pon a disposición de les empreses asociaes un plan pa sofitales económicamente, al empar de les sos necesidaes. El documentu recueye una riestra servicios y productos pa facer inversiones y afitar la competitividá de los proyectos d'anguaño.
Les empreses tienen unos productos específicos pa elles como réstamos personales y hipotecarios, con munchos plazos pa dir amortizándolos, posibilidá de carencies y con intereses baxos.
Nel alcuerdu, recuéyense soluciones pa les necesidaes más rápides que se tengan nel día a día. Asina, les empreses van tener otros productos y servicios como pólices de créditu, descuentos comerciales y de comerciu esterior, confirming, factoring o avales.
Los asociaos y asociaes van poder aprovechar les ventaxes que-yos ofrez el Programa Servicios ABANCA, que sirve p'aforrar nel pagu de los servicios bancarios que s'usen siempre, gracies a la so rellación col bancu. Ésti tamién-yos da servicios como la banca electrónica o tarifes personalizaes nel alta y mantenimientu de los dispositivos TPV físicos y virtuales, estos últimos mui importantes pol espoxigue del comerciu per internet.
- Tu Ayuntamiento