Contacto

Lo mesmo que n'otros cursos escolares y pa poder conciliar la vida llaboral y familiar, el Conceyu d'Avilés pon a disposición de les families varios Talleres Infantiles d'Avilés (TIA) pa cuando nun haya clase. Hai más places esti añu (40 en cada turnu, 10 más que'l cursu pasáu contando colos CEIP Versalles y el Quirinal pa facelos ellí. 

Ta abiertu'l plazu p'apuntase pa los 7 turnos previstos. El primeru ye pa la ponte de Tolos Santos (los díes 31 d'ochobre y 2 de payares). El plazu pa'puntase a esti taller termina'l llunes 24 d'ochobre. Per otru llau p'apuntase pal segundu turnu, pa la ponte la Constitución (5 d'avientu), el plazu termina'l vienres 25 de payares. 

Na convocatoria, que yá ta disponible nel apartaáu "Otres Convocatories" de la Sede Electrónica municipal (https://sedeelectronica.aviles.es), tán tamién les feches de referencia de los 7 turnos que va haber pal cursu escolar 2022-2023. Son éstos:

Los Talleres Infantiles de Avilés (TIA) sedrán n'horariu de 7:30 a 15:30 hores, ofreciendo como n'otres ocasiones serviciu de comedor y bonificaciones d'hasta'l 80% pa les families que cumplan los requisitos llantaos nes bases de la convocatoria.

Precios con comedor y ensin comedor:

Pa matriculase puede facese presencial y tamién de forma telemática:

1. Presentación Telemática pela Sede Electrónica de la web municipal https://sedeelectronica.aviles.es/Convocatories

Les persones que necesiten sofitu y asesoramientu pa facer la solicitú telemática, tienen a la so disposición:

• Los Telecentros de la cai Marcos del Torniello, 34 y nel Centru Empléu Europa (avenida d'Oviedo, 9). Tienen personal preparáu p'ayudar a les families que tienen de pidir una cita enantes de varies formes.
• Per teléfonu:

                        Telecentru Avilés I: 985 12 90 30

                        Telecentru Avilés II: 985 12 98 04

• Na sede electrónica y la web del Conceyu d'Avilés        http://www.aviles.es/citaprevia
• Na Oficina d'Asistencia en Materia de Rexistros (OAR, antiguu Serviciu d'Atención Ciudadana SAC) de la Casa Conceyu que ta na Plaza España, onde habrá un puntu d'accesu telemáticu n'horariu de 8:30 a 14:15 hores.

2. Presentación Presencial: en cubriendo les solicitúes, según el modelu INSCRIPCIÓN TALLERES INFANTILES D'AVILÉS (TIA) CURSU 2022-2023, van presentase xunto cola documentación afayadiza, al traviés de la Oficina d'Asistencia en Materia de Rexistros (OAR, antiguu Serviciu d'Atención Ciudadana SAC) de la Casa Conceyu (plaza España) y nel edificiu "El Foco" de Villalegre, o bien al traviés de cualquiera de les formes previstes nel artículu 16.4 de la Llei 39/2015 de 1 d'ochobre, del Procedimientu Alministrativu Común de les Alministraciones Públiques.

Horariu de les Oficines d'Asistencia en materia de Rexistru del Conceyu d'Avilés (OAR):

• Oficina na Plaza España, 1 (voluntariamente, puede solicitase cita previa)

Mañanes: De llunes a vienres de 8:30 a 14:30 hores

Tardes: Martes y xueves de 15:00 a 17:00 hores

• Oficina nel Edificiu El Foco (C/ Santa Apolonia, 126)

De llunes a vienres de 8:30 a 14:30 hores.

La cita previa voluntaria puede solicitase:

- Na sede electrónica y la web del Conceyu d'Avilés

- Per teléfonu nel 985 122 100, de 8:30 a 14:30 hores, de llunes a vienres.