Contacto

El Conceyu d'Avilés ufierta otra vegada más a les families los Tallares Infantiles d'Avilés (TIA) pa que puedan conciliar el trabayu cola familia cuando nun haya clase nel cursu 2024-2025. Habrá siete turnos hasta'l mes de mayu, que se van facer nes escueles públiques El Quirinal y Versalles con 20 places pa cada turnu, que se van dar siguiendo l'orden nel que fueron apuntando.  

La matrícula va tar abierta hasta'l vienres 11 d'ochobre pal primer turnu, el que va ser el día 30 y 31 d'ochobre. Ésto ye lo nuevo d'esta convocatoria. Cada turnu tendrá'l so propiu plazu de matriculación y solicitú de baxa. Faise asina, pa que nun haya matriculaciones masives en tolos turnos y dempués baxes, tal como pasó na convocatoria del veranu pasáu. Asina facilítase de verdá la conciliación familiar.  

Hai qu'alcordase de que'l Conceyu d'Avilés ofrez dende l'añu pasáu bonificaciones de hasta el cien por cien nel preciu de la matrícula, según el sueldu y la cantidá de persones de la unidá familiar, incluyendo la que ye pa families numberoses. El preciu ensin bonificación ye de 9,60 euros pa cada día ensin comedor, y de 14,66 incluyendo'l comedor.

Pueden solicitar plaza padres, madres o tutores/as llegales de menores qu'estudien infantil o Primaria nel momentu de matriculase, cumpliendo dalguna d'estes condiciones:

1. Tar empadronáu/ada n'Avilés.
2. Trabayar nel Conceyu d'Avilés, teniendo de presentar el certificáu de la empresa acreditando esti puntu.
3. Tar el o la menor matriculaáu/ada en dalgún Centru Educativu d'Avilés nel cursu 2024-2025.

Va dase prioridá, en tou casu a l'atención a menores en situaciones difíciles y que tean nel programa de los Servicios Sociales y/o de Formación y Empléu del Conceyu d'Avilés.

La matrícula incluye dos modalidaes, con y ensin comedor incluyíu, y los talleres van facese nos dos centros educativos nel mesmu horariu, de 7.30 a 15.30 hores. Tamién, en casu de que s'enllene ún de los turnos, el Conceyu resérvase la posibilidá d'ampliación, siempre y cuando la llista d'espera seya de más de diez persones.

P'apuntase puede facese telemáticamente, pela Sede Electrónica del Conceyu d'Avilés (https://sedeelectronica.aviles.es/Convocatorias), o presencial, na Oficina d'Asistencia en Materia de Rexistros (OAR, antiguu Serviciu d'Atención Ciudadana SAC) de la plaza España, El Foco en Villalegre y l'Edificiu Fuero (nesti últimu casu, con cita previa obligatoria).

Los turnos son éstos:

Xestión de les llistes d'espera

• N'ocupándose toles places de cada turnu nos dos centros educativos, les familias podrán apuntase nuna llista d'espera iguada pa ello.

• El Conceyu resérvase la posibilidá d'ampliar los turnos siempre y cuando la llista d'espera seya de más de 10 persones.

• P'apuntase na llista d'espera tamién podrán facese per vía telemática o de manera presencial en cualquiera de les nomaes sedes de la Oficina d'Asistencia en Materia de Rexistros (OAR).

• Dempués d'apuntase, les families tendrán un xustificante onde va tar el puestu que s'ocupa na llista d'espera

• Si hubiera dalguna baxa, la Seición municipal d'Educación contactará coles families que tean na llista d'espera, según l'orden col que s'apuntaron, indicándo-yos el procedimientu que tienen de siguir pa matrículase.

Solicitúes de baxa

Hai de presentar obligatoriamente la instancia xeneral de les formes qu'hai pa ello, lo mesmo que pa matriculase. La solicitú de baxa n'actividá sólo determinará la devolución de la matrícula, cuando ésta se solicite nel plazu indicaáu en función del turnu que-y correspuenda. En caso de nun facelo en tiempu y forma, pagaráse'l coste total del/de los turnu/os pal/pa los que se pagó la matrícula.

Bonificaciones

Tal y como ta llantao na Ordenanza Fiscal nº110, reguladora del preciu públicu pola prestación de servicios formativos, establécense estes bonificaciones según el sueldo qu'haya na familia y el númberu de miembros d'esta unidá:

Les families numberoses, dependiendo si son families de categoría xeneral o especial, tendrán una bonificación d'hasta'l 25% y el 50% según esti baremu:

Families numberoses de calter especial:

Families numberoses de calter xeneral:

Estes bonificaciones tendrán que solicitase espresamente, acreditando na forma llegal que correspuneda la condición de familia numberosa. Nel casu de presentación de solicitú d'aplicación de bonificaciones pa familia numberosa, aplicaráse'l sistema de bonificación (ordinariu o pa familia numberosa) que seya más beneficiosa pa la persona solicitante.