Contacto

El Conceyu d'Avilés, per aciu de la Conceyalía d'Educación, ofrez tres turnos nuevos pa los Talleres Infantiles d'Avilés (TIA), garatizando asina la conciliación de la vida llaboral y familiar nes prósimes vacaciones del calendariu escolar: Antroxu en febreru, díes que nun hai clase en marzu y en Selmana Santa, n'abril.

Nos tres casos, van facese al mesmu tiempu nes mesmes dos sedes que nos años anteriores, los colexos públicos de Versalles y El Quirinal, ufiertando 40 places pa caún de los turnos (20 por cada centru). La matrícula yá ta abierta.

Son pa neños y neñes qu'estudien Infantil o Primaria. Hai de tar empadronáu o empadronada n'Avilés o que'l padre o madre tengan  el so sitiu de trabayu acreditáu n'Avilés. Asinamesmo dase prioridá a menores que tengan una situación de vulnerabilidá y que tean dientros'l programa per aciu de los Servicios Sociales o de Formación y Empléu del Conceyu.

Como n'otres convocatories, l'atención a neños y neñes con Necesidaes Educatives Especiales va ser dalgo principal nes actividaes de xuegu y pedagóxiques que se desendolquen.

Turnos

Nel casu de la época d'Antroxu (Turnu 5), los Talleres van ser los díes, 17, 20 y 21 de febreru, y el plazu p'apuntase termina'l 10 de febreru.

En marzu (Turnu 6), van ser nos díes 17 y 20, coincidiendo con una ponte escolar qu'hai pa esi fin de selmana, pesllandop'l plazu de matrícula'l 10 de marzu.

Pa terminar, coincidiendo coles vaciones de Selmana Santa (Turnu 7), los Talleres sedrán el 3, 4 , 5 y 11 d'abril, terminando'l plazu p'apuntase'l 24 de marzu.

L'actividá de los Talleres va entamar siempre a les 7:30 y va terminar a les 15:30 hores, ufriendo como n'otres ocasiones serviciu de comedor y bonificaciones d'hasta'l 80 por cientu pa delles families que cumplen los requisitos llantaos nes bases de la convocatoria, que se pueden consultar nel apartáu "Otres Convocatories" de la Sede electrónica del Conceyu  (https://sedeelectronica.aviles.es).

Los precios pa los tres turnos, con y ensin comedor son los que vienen darréu:

La matrícula puede facese lo mesmo de forma telemática que presencial:

1. Presentación Telemática pela Sede Electrónica de la web municipal https://sedeelectronica.aviles.es/Convocatorias

Les persones que necesiten sofitu y asesoramientu pa facer la solicitú telemática, tienen a la so disposición:

• Los Telecentros de la cai Marcos del Torniello, 34 y nel Centru d'Empléu Europa (avenida d'Oviedo, 9). Tienen personal preparao pa echar un gabitu a les families, pidiendo cita enantes que puede pidise de dos formes:

• Per teléfonu:

                        Telecentru Avilés I: 985 12 90 30

                        Telecentru Avilés II: 985 12 98 04

• Na sede electrónica y na web del Conceyu d'Avilés        http://www.aviles.es/citaprevia

• Na Oficina d'Asistencia en Materia de Rexistros (OAR, antiguu Serviciu d'Atención Ciudadana SAC) de la Casa Conceyu que ta na Plaza España, onde habrá un puntu d'accesu telemáticu n'horariu de 8.30 a 14.15 hores.

2. Presentación Presencial: en rellenando les solicitúes según el modelu INSCRIPCIÓN TALLERES INFANTILES D'AVILÉS (TIA) CURSU 2022-2023 van presentase xunto cola documentación necesaria, na Oficina d'Asistencia en Materia de Rexistros (OAR, antiguu Serviciu d'Atención Ciudadana SAC) de la CAsa Conceyu (plaza España) y neñ edificiu "El Foco" de Villalegre, o tamién de cualquier forma que tea llantada nel artículu 16.4 de la Llei 39/2015 de 1 d'ochobre, del Procedimientu Alministrativu Común de les Alministraciones Públiques. .

Horariu de les Oficines d'Asistencia en materia de Registru del Conceyu d'Avilés (OAR):

• Oficina na Plaza España, 1 (voluntariamente, puede solicitase cita previa)

Mañanes: De llunes a vienres de 8.30 a 14.30 hores

Tardes: Martes y xueves de 15.00 a 17.00 hores

• Oficina nel Edificiu El Foco (C/ Santa Apolonia, 126)

De llunes a vienres de 8.30 a 14.30 hores.

La cita voluntaria puede pidise enantes:

- Na sede electrónica y na web del Conceyu d'Avilés

- Per teléfonu nel 985 122 100, de 8.30 a 14.30 hores, de llunes a vienres.