Dende'l vienres 3 hasta'l vienres 17 de xunu ta abiertu'l plazu pa matriculase pal cursu que vien nes tres escueles del Conceyu de Primer Ciclu d'Educación Infantil (La Toba, La Madalena y El Quirinal). Esti plazu ye pal alumnáu que figura como almitíu nes llistes definitives publicaes ayer nos tablones de les tres escuelines como en https://sedeelectronica.aviles.es/, en Publicaciones>Otres Convocatories
Dende caún de los tres centros va contautase coles families del alumnáu almitíu pa indica-yos que tienen de facer pa matriculase, de forma presencial, na escuela infantil que-y toque, siempre enantes del 17 de xunu.
L'alumnáu que quedare en llista d'espera podrá decidir dempués si se queir apuntar a dalguna de les places que queden ensin ocupar, en terminando la matriculación del alumnáu almitíu. Pa estos casos, el plazu de amtrícula tará abiertu tol cursu, y el criteriu pa dar les places sedrá'l puestu que s'ocupe na llista d'espera.
Places qu'hai y ocupación
Pal cursu 2022-2023 hai 109 places, repartíes asina.
Escuela EI |
Alumnáu 0-1 (Año 2022) |
Alumnáu 1-2 (Año 2021) |
Alumnáu 2-3 (Año 2020) |
Total |
El Quirinal |
16 |
23 |
15 |
54 |
La Madalena |
8 |
5 |
5 |
18 |
La Toba |
8 |
18 |
11 |
37 |
Total |
32 |
46 |
31 |
109 |
Presentáronse en tiempu y forma 226 solicitúes, 19 de neños y neñes de rollu qu'entá nun nacieron, 3 que yá nacieron, y yá s'incorporaron a les correspondientes llistes d'almisión.
Hai d'alcordase que neños y neñes de rollu qu'entá nun nacieron apaecen en llista d'espera hasta que nacen, ensin baremar. Si dalgún o dalguna solicitante tuvuere na llista ensin la edá mínima pa entrar na Escuela, esto ye los 3 meses, al llegar l'entamu'l cursu, la solicitú va pasar a la llsita d'espera ocupando'l sitiu que-y correspuende, según la puntuación qu'algamare.
Estos son los datos d'ocupación , dempués de publicar les llistes d'almisión definitives:
EEI La Toba
0-1 años. 8 places. 6 ocupaes. Pa les 2 llibres hai 3 neños o neñes de rollu qu'entá nun nacieron en llista d'espera que soliciten esta escuela como la primer posibilidá.
1-2 años. 18 places, toes ocupaes. Queden 4 neños/es en llista d'espera
2-3 años. 11 places, toes ocupaes. Queden 12 neños/es en llista d'espera.
EEI La Madalena
0-1 años. 8 places. 6 ocupaes. Pa les 2 llibres hai 5 neños o neñes de rollu qu'entá nun nacieron en llista d'espera que soliciten esta escuela como la primer posibilidá.
1-2 años. 5 places, toes ocupaes. Queden 11 neños/es en llista d'espera
2-3 años. 5 places, toes ocupaes. Queden 16 neños/es en llista d'espera.
EEI El Quirinal
0-1 años. 16 places, toes ocupaes. Queda 1 neñu que yá nació en llista d'espera.
1-2 años. 23 places, toes ocupaes. Queden 30 neños/es en llista d'espera
2-3 años. 15 places, toes ocupaes. Queden 25 neños/es en llista d'espera.
Mientres tea abiertu'l plazu allegaciones a la llista provisional, abiertu del 24 al 27 de mayu, presentáronse 41 escritos, la mayoría d'ellos relativos a feches que taben mal o datos personales. Almitiéronse 30 y refugáronse 11.
Almisión en Xardín de Cantos
Como novedá, ofrécese al alumnáu en llista espera, la posibilidá de pidir plaza na escuela infantil de Xardín de Cantos, xestionada pol Principáu, per aciu del Conceyu d'Avilés. Ye un sistema iguáu gracies a la collaboración ente la conseyería de Derechos Sociales y Bienestar con dalgunos Conceyos, ente ellos el d'Avilés.
Esta collaboración ente alministraciones afaya'l pasu de datos dende'l conceyu hasta la Conseyería, titular d'esti Xardín d'Infancia, teniendo primero l'autorización de les families.
Asina, les families d'alumnáu en llista d'espera de les tres escuelines del Conceyu d'Avilés pueden presentar una solicitú pa entrar nel Xardín d'Infancia de Xardín de Cantos nel Conceyu d'Avilés. Tendrán de facelo ente'l 6 y el 10 de xunu, rellenando'l modelu publicáu xunto cola llista d'almisión, o tamién con cualquier modelu que tenga una autorización de trespasu de datos.
El documentu podrá rexistrase y mandalu a la estaya d'Educación del Conceyu d'Avilés, de forma telemática, al traviés de https://sedeelectronica.aviles.es/ o presencial, en cualquiera de les dos oficines d'Asistencia en materia de Rexistru (OAR), que tán na plaza España, 1 y nel edificiu El Foco de Villalegre. (cai Santa Apolonia, 126)
Fuera del plazo señalado, o si prefieren hacerlo mediante modelos que no cuenten con autorización de transferencia de datos, los interesados deberán realizar el trámite directamente con la Consejería de Derechos Sociales y Bienestar.
Fuera del plazu marcáu, o si prefieren facelo en modelos que nun tengan autorización de trespasu de datos, les families interesaes tendrán de facer el trámite direutamente cola Conseyería de Derechos Sociales y Bienestar.
- Educación