Contacto

El Conceyu d'Avilés abrió'l plazu p'apuntase nuna aición formativa nueva organizada pola Conceyalía de Participación Ciudadana na Oficina Municipal del Voluntariáu. Ye un taller presencial "Entamando al voluntariáu", qu'empieza'l llunes 25 de setiembre, nel salón d'actos del Palaciu de Valdecarzana d'Avilés, n'horariu de 17 a 20 hores. 

Esti cursu ta pensáu sobre too pa persones solidaries, que tienen munchu interés en participar en proyeutos de voluntariáu. Va dalu la Plataforma del Voluntariáu d'Asturies.

Los conteníos que se van tener en cuenta neses  tres hores de duración son éstos:

• Qué ye y qué nun ye'l voluntariáu.
• Ámbitu y actividaes de voluntariáu.
• Marcu llegal. Derechos y deberes de les persones voluntaries.
• Ónde y cómo facer voluntariáu n'Avilés y n'Asturies.

Apuntase ye de baldre y puede facese na web https://avilesvoluntariáu.org  o na Oficina Municipal del Voluntariáu d'Avilés. El plazu termina'l día 22 de setiembre, a les 15 h, o cuando se terminen les 25 places qu'hai.

Daráse diploma acreditativu a toles persones participantes.

Esta aición formativa ye una de les midíes d'esti Plan Estratéxicu de Voluntariáu d'Avilés y tien muncha rellación col Plan de Voluntariáu Européu 2030  #BEV2030 qu'organiza'l Centru Européu del Voluntariáu, un plan onde se ponen les midíes que tienen que tomase pa que'l voluntariáu n'Europa  desendolque'l so verdaderu potencial y que diz que "pa garantizar esperienciaes d'un bon voluntariáu pa les persones nueves que lu quieran facer, tienen que recibir formación sobre les sos funciones y asegurase tol tiempu  de que se-yos echa un gabitu pa qu'entiendan que'l voluntariáu a comprender contribuye al bien común".

El programa formativu en materia de voluntariáu del Conceyu d'Avilés pal añu 2023 complétase con:

• El "III Alcuentru de Voluntariáu" que se celebró nel mes de xunu, y que nesta ocasión tuvo dedicáu al tema de "Atopase bien emocionalmente y voluntariáu".

• El cursu tamién  "Entamando col voluntariáu", magar que nesti casu tien conteníos más amplios y en formatu online, de 20h de duración, qu'entamó'l pasáu mes d'agostu y y va terminar n'avientu al que se-y van poder dir aputando más persones interesaes hasta'l día 1 d'avientu,  fecha na que se van pesllar les inscripciones. Esti cursu dexa que los y les participantes puedan dir completándolu al so ritmu, temiendo siempre'l sofitu y tutorización de personal docente al que poder consulta-y toles duldes.

• El cursu "Resolución de conflictos nel ámbitu del voluntariáu" ye pa personal téunicu y representantes d'entidaes de voluntariáu, previstu pal 6 d'ochobre.

• El cursu "Tener arte p'atender  la diversidá dende'l voluntariáu", pa persones voluntaries que ta previstu pal día 27 de payares.

Pa tener más información o resolver cualquier dulda, les persones interesaes pueden dir hasta la Oficina Municipal del Voluntariáu, Serviciu de Participación Ciudadana, del Conceyu d'Avilés, llamar al teléfonu 985 129 098 o mandar un corréu electrónicu: participacion@aviles.es.