Contacto

El Conceyu d'Avilés tien abiertu'l plazu hasta'l 14 d'ochobre pa solicitar ayudes pa contratar persones d'Avilés que nun tengan trabayu dientro de la convocatoria d'esti añu 202a, publicada nel BOPA'l martes 11 de xunu. 

Podrán garrar la condición de beneficiaries les empreses, trabayadores autónomos y autónomes y entidaes ensin ánimu d'enriquecese que desenvuelvan la so actividá dientro la Comunidá Autónoma del Principáu d'Asturies

Podrán subvencionase les contrataciones feches nel mercáu ordinariu a persones empadronaes nel Conceyu d'Avilés 12 meses enantes y que nel mes anterior a la fecha d'alta, nun tuvieren trabayando. Les contrataciones deberán celebrase ente'l 1 d'ochobre de 2023 y el 30 de setiembre de 2024 con una duración mínima de seis meses y deberán suponer aumentu na plantiya de la empresa respeuto a los cuatro meses enantes.

Les ayudes son pa cubrir los gastos derivaos de la contratación (salariu brutu, cotización a la Seguridá Social a cargu de la empresa y prorrata de pagues extres) los dos primeros meses, con importes que van ente los 1.000 y los 3.000 euros mensuales en función de la categoría profesional y la xornada llaboral.

Les solicitudes deberán de dir acompañaes de la documentación qu'acredite estos tres puntos:

• Los datos de la empresa (fiscales, bancarios y de representación).
• Que la empresa contrató a una persona que nun tenga trabayu (contratu de trabayu y informe de vida llaboral de la persona contratada).
• Qu'esta contratación supuso un aumentu de la so plantiya (Informe de Plantiya Media de Trabayadores n'Alta expidíu pola Tesorería Xeneral de la Seguridá Social de los cuatro meses anteriores).

En pasando los seis meses de contratación esixíos pa recibir l'ayuda económica, la empresa tien un plazu de 60 díes pa xustificar que se cumplieron los requisitos esixíos na convocatoria (mantenimientu del empléu, costes salariales y a la Seguridá Social. 

Si'l créditu disponible nun dexa que se puedan dar subvenciones a toles solicitúes presentaes, va siguise como criteriu de prelación les puntuaciones algamaes na evaluación de:

• El tamañu de la empresa (les empreses más pequeñes tendrán mayor puntuación).
• La xornada llaboral (más puntuación cuanto mayor seya).
• Les circunstancias de la persona contratada (si ye solicitante d'arraigu por formación, mayor de 55 años, desempleada o si fai un itinerariu de busca de trabayu nel Aria d'Acompañamientu Llaboral del Conceyu).

Lo mesmo la consulta de les bases de la convocatoria como la tramitación de les solicitúess pueden facese al traviés de la Sede Electrónica del Conceyu d'Avilés, (https://sedeelectronica.aviles.es), calcando en "Publicaciones" y, dempués, en "Subvenciones".