VII Convocatoria Internacional d'Arte Postal n'Avilés: l'orixen


 

El Conceyu d’Avilés y ANMinvestigación faen un brinde a les persones creatives de tol mundu y a quien quiera xunise a esta iniciativa pa participar na VII Esposición Internacional d’Arte Postal/Mail Art, que col tema «l’orixe», va celebrase nel Palaciu de Valdecarzana, n’Avilés. Asturies (España. Europa), n’avientu de 2022. 

CORREOS Filatelia va emitir un sellu con una de les obres postales esbillada ente toles que se recibieron pa la VI Esposición Internacional d'Arte Postal n'Avilés col lema  «l'orixe», y que va ponese en circulación na VIII edición de 2023. 

Los y les participantes tendrán de llantar na obra'l so consentimientu escribiendo'l testu SÍ CEDO, si dexen que s'use la so obra, o NUN CEDO, si nun ye asina. 

D'ente toles obres postales onde tea puesto SÍ CEDO, CORREOS Filatelia va escoyer la obra  cola que se va facer el sellu. 

La obra postal escoyida nun va tener calter comercial, porque'l sellu ye lo mesmo qu'una tasa de franquéu, nun desenvolviendo nenguna aición comercial fuera d'esto ensin l'autorización del autor o autora. 

CORREOS Filatelia va esparder esta obra/sellu col nome y apellidu del autor o autora lo mesmo nel sellu que nel so espardimientu. 

Manda les tos postales. Puedes creales col material que te preste y intervenir nelles como te pete. Nelles tien de vese de dalguna manera’l tema « l'orixe»: vida, nacimientu, partu, trubiecu, empiezu, entamu, procedencia,  raigañu, universu, güevu, embrión, semiente, especies...

CÓMO SE MANDA: PER CORRÉU POSTAL, SI NUN TIEN MATASELLOS, NUN VAL —ENSIN SOBRE—, les obres d'Arte Postal nun s'abren, espónense tal como lleguen.


TAMAÑU LLIBRE

SOPORTE LLIBRE: papel, madera, metal, vidriu, vexetal, pelleyu, piedra, material recicláu, tela, maya, plásticu…el soporte que te pete

TÉUNICA LLIBRE: escribi, dibuxa, pega, corta, cuesi, esgaya, imprimi, fai un collage, graba, pinta, retrata… crea tolo que te diga’l to maxín.

IDENTIFICACIÓN: pon el to nome y los tos apellíos, señes, país y corréu electrónicu. La documentación va mandase a tol mundu que participe per corréu electrónicu.

ÚLTIMU DÍA: 31 d'ochobre de 2022

ESPOSICIÓN Y CATÁLOGU: va facese un catálogu dixital y una esposición con toles obres, n’avientu de 2022, nel Palaciu de Valdecarzana, cai del Sol, 1 - 33402 Avilés. Asturies (España. Europa)

Ensin xuráu / Ensin esbilla / Nun se van devolver les obres
Participa dende onde teas agora mesmo / Pásalo y invita a los y les tos colegues


MANDAR A: 

VII Esposición Internacional d’Arte Postal n’Avilés «l’orixen»
Palaciu de Valdecarzana
Cai del Sol, 1
33402 Avilés. Asturies
España (Europa)

Ver axuntu!!!

Bases

Español

English

Français

Italianu

Deutsch

Asturianu

Galego

hàn yu_zhong wén

Russian