Amaral vuelve a Avilés el 7 de febreru de 2026 cola so xira 'Dolce Vita Tour', que recalará nel Pabellón de La Madalena nel que va ser l'únicu conciertu n'Asturies. Seis años dempués de la so última visita, cuando presentaron Salto al color nel Palacio Valdés, Eva Amaral y Juan Aguirre vuelven a la ciudá con un formato de gran aforu y un espectáculu diseñáu con procuru.
Les entraes pal conciertu tarán disponibles a partir d'esti vienres, 24 d'ochobre, dende les 11.00 hores, en ticketvip.es. El preciu de la entrada xeneral y la de persones con poca movilidá y acompañante sedrá de 38 euros, más 3.8€ de gastos de xestión. Les entraes dl primer pisu vasn costar 45 euros, más 4.5€ de gastos de xestión. Ta previsto que s'abran les puertes a les 19.00 hores, y el conciertu entamará a les 21.00 hores.
El duu zaragozanu presentará en direutu les canciones del so novenu álbum d'estudiu, Dolce Vita, xunto a los temes que yá tán na banda sonora de varies xeneraciones. Sedrá un realcuentru col so públicu asturianu, d'esos que son quien, como dicen nun de los sos clásicos, de devolver otra vegada a la vida.
Con más de 25 años de trayectoria, Amaral va siguir siendo un referente de la música española, fiel a una forma d'entender la creación musical dende la llibertá y el compromisu artísticu. Dolce Vita afita esa identidá, ofreciendo un viaxe emocional y lluminosu pel universu del grupu.
- Cultura