Contacto

El Conceyu d'Avilés, la Casa les Muyeres y ELCLUB The Impact Project xunten les sos fuerces pa presentar el ciclu "Muyeres inspiradores" col facer que se vea'l lideralgu femenín n'Asturies.

'Muyeres inspiradores" va ser un ciclu d'alcuentros pa tol añu, abiertu a muyeres profesionales que quieran promocionar les sos carreres, emprendedores que busquen contautos y xuntes interesantes, y cualquier muyer que busque inspiración n'otres muyeres.  

La primer cita ye pal xueves 9 de febreru a les 18:00 hores nel Palaciu de Maqua, coincidiendo cola selmana na que se celebra'l "Día de la Muyer y la Neña na Ciencia". Esi día va tar l'alcaldesa d'Avilés, Mariví Monteserín y la conceyala d'Igualdá, Lucía Fernández Ron. Intervendrá Patricia Gómez Leiva, que va esplicar la so esperiencia na comunidá de muyeres na que ta Ana Carrau Mínguez, fundadora del ELCLUB The Impact Project, y Teresa Busto, ex VP d'Airbus y agora presidenta d'ENTALENTA. Precisamente, según comentó la directiva d'ArcelorMittal, fueron les que la inspiraron pa desenvolver la so propia carrera profesional y por eso les va llevar al primer alcuentru n'Avilés.

Apuntase ye de baldre y hai de facelo mandando'l nome y el DNI a igualdad@aviles.es

Patricia Gómez Leiva

Formación:

•Doctora n'Inxeniería Química pola Universidá d'Uviéu

•Máster en Química y Desarrollu Sostenible

•Máster en Xestión d'Equipos

•Máster en Xestión integrada de Calidá ,Prevención

•MBA

Esperiencia profesional:

•Asturiana de Zinc

•Alcoa

•Saint-Gobain

•ArcelorMittal

Otres collaboraciones:

•The impact Project. Puxar  y faer que se vea'l lideralgu

•InspiraSTEAM. Promover carreres téuniques pa neños y neñes

•MASSTEAM. Promover carreres téuniques pa la mocedá

Teresa Busto

Foi:

•Vicepresidenta d'Airbus.

•Direutora d'Inxeniería de Fabricación n'AirbusToulouse

•Direutora de la Factoría d'Airbus Illescas

•Miembru delcomité executivu d'Airbus comercial n'España.

•Presidenta de la rede de muyeres d'Airbus España

•Presidenta de 'Elles vuelen Alto'.

Anguaño

•Miembru del conseyu d'alministración de la empresa MT Diseños Ind.

•Miembru del conseyu asesor del CSIC

•Presidenta y fundadora d'ENTALENTA

•Linkedin TOP Voice2022

Premios y reconocimientos:

•Premios internacionales YO DONA 2019 al "Lideralgu“

•Top100 año 2020: Top100 y Cia Premiu por impactu social Diversidá na empresa.

•Premio Evap a la DIVERSIDÁ 2020: Asociación d'empresaries Comunitat Valenciana.

•Premiu al Lideralgu meyor Ésitu Empresarial 2018: Revista Actualidá Económica.

•Primer premiu a la muyer con meyor trayectoria profesional nel sector aeronáutico 2016 concedíu por “Muyer y Aeronáutica”.

Ana Carrau

•Fundadora d'UPBEAT MODUS

•Fundadora de The Impact Project,Chiquiemprendedores  y Inspiraes

•Diseñu d'esperiencies formatives tresformadores pa puxar pol lideralgu y autulideralgu. SoftSkills

•La so fonte d'inspiración ye'l mundu startup y la innovación. Especializada en muyeres directives, persones que busquen dar otru pasu más na so carrera profesional y mocedá de menos de 30 años que busquen el so  primer trabayu.

•Creadora y impulsora del programa Lidereses (Conceyu de Valencia)