Contacto

El Conservatoriu Municipal profesional Julián Orbón d'Avilés terminó mui bien el so calendariu de pruebes d'accesu, cola mayor participación de la so historia más reciente na modalidá d'enseñances elementales: 49 persones almitíes, frente a  les 26 del 2021 o les 20 de 2020.  

A esti casi mediu centenar d'alumnáu nuevu "elemental" que se matriculó la primer vez nel centru avilesinu, hai qu'añadir 7 estudiantes más n'enseñances Profesionales, que se xunten a los y les antigües alumnos y alumnes que superaron esti cursu la formación inicial y pasen al grau profesional

Según descató'l direutor del Julián Orbón, Carlos Galán, "la rempuesta de la ciudadanía a les xornaes de difusión y puertes abiertes del Conservatoriu, celebraes dende'l 6 hasta'l 10 de xunu, foi exceicional, convirtiéndose nun estímulu qu'algamó la mayor cifra d'inscripciones nos últimos años".

Les pruebes d'Enseñances Elementales fueron el 22 de xunu, y nelles valoráronse les aptitúes rítmicu-auditiva, vocal y sicomotriz de los y les candiates. Pa presentase yera necesario tener como mínimu 8 años. 

El acto de adjudicación de vacantes en Enseñanzas Elementales, en el caso de los y las aspirantes que elijan especialidad instrumental, tendrá lugar el 7 de septiembre, según establece la Consejería de Educación. L'actu d'axudicación de vacantes n'enseñances elementales, nel casu de los y les aspirantes qu'escueyan una especialidá instrumental, sedrá'l 7 de setiembre, según 

Hai especialidaes mui solicitaes (pianu, violín y guitarra) nes que puede ser que nun haya places pa tol mundu que pasó les pruebes. Por eso, el Conservatoriu publicó na web un vidiu esplicativu pa que si quieren se puedan apuntar a otres especialidaes onde hai plaza. 

Nel casu  de les Enseñances Profesionales, l'alumnaáu que superó les pruebes por cada especialidá ye ésti:

• Cantu: 5
• Xiblata Travesera: 1
• Oboe:  1
• Órganu: 1
• Pianu: 3
• Saxofón: 1
• Trompa: 2
• Trompeta: 2
• Viola: 1
• Violín: 2
• Violonchelu: 2

Tola información referente a la matriculación de cara al cursu que vien puede consultase na páxina web del Conservatoriu:  http://conservatoriojulianorbon.com, y na sede electrónica del Conceyu d'Avilés, nes pestañes "Otres convocatories", "Fundación Municipal de Cultura".