Contacto

Ún de los símbolos del compromisu d'Avilés colos vezos d'una vida sana, col respetu al mediu ambiente, cumple esti añu 2022 la so XI edición. Ye una Fiesta de la Bicicleta, que se va facer el 18 de xunu, con saluida a les 10.30 hores del aparcamientu del Corte Inglés. 

Esta marcha ciclista presentóla la conceyala Nuria Delmiro, el xerente de la Fundación Municipal de Cultura, Manuel Solís, qu'esplicó'l percorríu de la carrera, y Mario Fernández, responsable del Corte Inglés d'Avilés, que collabora como otros años nesto. 

Nun ye una competición, ye un itinerariu pa pasalo bien dando al pedal, pa toles edaes  y pa participar en familia. Sedrá'l sábadu 18 de xunu, con salida del aparcamientu d'El Corte Inglés a les 10.30 hores y llegada a la pista de La Exposición. Ye un circuitu de 10 quiilómetros pelos barrios de la ciudá, con reagrupamientu na Plaza Mayor de Llaranes, llegando hasta la pista de La Exposición. . Hai d'apuntase, de baldre, enantes del 16 de xunu na sección de Deportes del Centru Comercial d'El Corte Inglés. A les 1.000 primeres persones que s'apunten daráse-yos una camiseta conmemorativa. La organización pon un camión y un autobús escoba, que va pesllar la carrera, pa quien los necesite. 

El percorríu, con salida dende'l  Centru Comercial d'El Cortes Inglés, ye esti: Barriu de La Carriona, Barriu de Miranda, Carretera d'Heros, Carretera de La Plata, C/ La Constitución, C/ Pruneda, C/ Marcos del Torniello, Plaza de la Merced, C/ La Cámara, Plaza España, C/Rivero, C/Gutiérrez Herrero, Avda./ Santa Apolonia, La Xunfarosa/Barrio de La Luz, C/ del Carmen, C/ Santa Cecilia, C/ Avilés, Plaza Mayor de Llaranes (reagrupación), C/ Río Cares, l'Hospitalillo d'Ensidesa, Parque Empresarial del Principáu d'Asturies (PEPA), Carretera de Lluanco/Luanco, Avenida del Marqués de Suances, C/Rivero, Plaza España, C/ La Cámara, C/ Cuba, C/ Jardines, C/ Doctor Graiño, C/ Orejas Sierra y Pista de la Exposición en Las Meanas/Les Meanes (llegada).

Reglamentu

• Nun se dexa llevar bicicletes que lleven un remolque, según lo llantao nel Reglamentu Xeneral de Circulación.
• Ye obligatorio llevar cascu protector na marcha.
• Hai de dir a una velocidá suave y respetando la unidá del grupu.
• Nun se puede nunca ponese per delantre los coches qu'abren la carrera.
• Alvertir con anticipación y claridá cualquier maniobra.
• Respetar l'itinerariu marcáu ensin intentar ganar distancia peles cais que nun tean dientro'l percorríu. 
• Los y les participantes que reciban la camiseta conmemorativa tendrán d'usala na marcha.
• El fechu de participar supón tar d'alcuerdu coles normes y decisiones que pueda tomar la Organización cuando-y pete.