Ayuda
Tolos años, en llegando'l mes d'agostu y en cinco díes, Avilés conviértese nel centru pa toles persones a les que-yos encanta'l terror, la fantasía y la ciencia ficción, gracies a un Festival Celsius 232 del que ye la so oncena edición y que se va celebrar dende'l martes, 19 de xunetu, hasta'l sábadu 23, col entornu de la Casa la Cultura como exe.
Más de 200 autores, algamando otru añu más la paridá, que destaquen n'ámbitos creativos cada vegada más conectaos, como pue vese nesti certamen: la lliteratura, el cine, la televisión, los videoxuegos o'l cómic. Referentes internacionales, protagonistes qu'cuten un espaciu na so axenda pa visitar Avilés y ponese a disposición del públicu.
Presentólu güei pela mañana Yolanda Alonso, conceyala de Cultura y Promoción de Ciudá d'Avilés, xunto con Jorge Iván Argiz y diego Gacría Cruz, direutores los dos del Celsius.
Como destacó Alonso, "el festival pudo desplegar esti añu tol so potencial d'atraición, regalnadonos asina la presencia d'autores que son estrerlles dafechu y que podremos ver paseando peles nuestres cais, roblando que'l Celsius ye ún de los pegoyos de la programación cultural d'Avilés y d'Asturies". Tamién resaltó que toles actividaes del Celsius nun cuesten perres y que se fizo un esfuerzu grande pa que pudieren participar persones discapacitaes, en collaboración cola ONCE".
Con un cartel de Javier Olivares, protagonizáu pol so personaxe Alexandra Tintanegra, nel que se pueden atopar pincelaes d'espresionismu alemán, cubismu, ciencia ficción y pulp, el Celsius vuelve a crecer. Y con un nome que va andar perniba de tola edición, el de Fernando Marías, autor fundamental de les letres españoles nes últimes décades, comprometiéndose dende l'entamu col festival, puxando polos Fíos de Mary Shelley, que morrió esti añu y al que se-y va facer un homenaxe con munchu ciñu'l sábadu.
Nun Celsius que -práuticamente ye un acontecimientu únicu n'España-, va xuntar n'Avilés a lo meyor del panorama mundial del xéneru de terror, cola participación de Paul Tremblay, Stephen Graham Jones, Mariana Enríquez y Grady Hendrix, mui diferentes na so forma d'escribir, pero con un rasgu común: que son de lo meyor como escritores.
Va rellumar tamién la lliteratura pa la mocedá, cola presencia de Neal Shusterman, Premiu Nacional d'Estaos Xuníos, amás de Naomi Novik y Marie Lu. Son una representación mui importante de lo meyor que se ta faciendo pa la mocedá dientro y fuera de les llendes españoles.
Tampoco van faltar grandes iconos d'ún de los ámbitos que conformen l'espinazu del certame, la ciencia ficción, con personaxes indispensables, como Joe Abrecrombie, Ellen Kushner o Kelly Robson.
Respeuto al cómic, ún de los grandes protagonistes sedrá John Wagner, creador de "Juez Dredd" y escritor de "Una historia de violencia", que convirtió n'obra maestra del cine contemporaneu David Cronenberg. Pero tamién Chris Claremont, responsable munches décades de les aventures de la Patrulla X; nel mundu de la ilustración, Charles Vess y la so capacidá pa llevanos hasta los mundos de fantasía; o na animación N. D. Stephenson, creadora de "She-Ra".
Cada vegada con mayor relieve apaez el mundu del vidiuxuegu, que contará con Marianne Krawzick, guionista de la saga "God of War", o les ganadores de los dos primeros premios CIMA GAMES, que s'entreguen nel Celsius, como son Tatiana Delgado, que lu ganó en 2021, y Mar Hernández, nesti 2022.
Tamién se van dar los otros dos premios especiales que da'l Festival Celsius, los VII Kelvin 505 a les meyores noveles de terror, fantasía y ciencia ficción publicaes en 2021, y los premios Lorna a los meyores cómics de xéneru.
Novedaes
Les principales novedaes d'esta oncena edición son dos. Una que nun lo ye tanto, porque ye normal ver representaciones teatrales nel Celsius, de la mano de Fíos de Mary Shelley, pero que dende esti 2022 tendrá una seición fixa, gracies a les "Nueches de Teatru".
La encargada d'estrenala sedrá la obra "Alicia desvelada", d'Alba Quintas, basada nos personaxes de "Alicia nel país de les maraviyes", de Lewis Carroll. L'autora yá en 2019, llevçóa al Teatru Valle Inclán de Madrid, l'angustiosa "Celia y la revolución". N'Avilés, "Alicia" podrá disfrutase na nueche del vienres (23.00 hores), na Sala Escénica de la Factoría Cultural.
También se estrena sección dedicada a ún de los autores fundamentales na historia la literatura fantástica, J.R.R. Tolkien, de la mano de la Sociedad Tolkien Española. La tarde del sábadu versará sobre'l creador de "El señor de los anillos" o "El Silmarillion".
Les de siempre y que siempre presten, mantiénense. Ye'l casu de la Mesa Redonda que patrocina'l Puertu d'Avilés; les Xornaes de doblaxe d'Asturies; la Escuela Asturiana d'Esgrima Antigua; los Talleres Lliterarios; la Historia Oculta de la Música; l'universu Star Wars; Lletres y Bits; los xuegos de rol; el cosplay; "Les series de la nuestra vida" o La nueche de Cultu de Jesús Palacios, que pon el broche d'oru al certamen.
O nel Cine na Cai, cola proyeición na plaza España de "Onward" (martes 19), "Los Goonies" (miércoles 20), "Los nuevos mutantes" (xueves 21), "La guerra de los mundos" (vienres 22) y "Dredd" (sábadu 23). Toes, a les 22.30 hores.
Nun podría faltar l'atención especial del Celsius pa los neños y les neñes, con actividaes pensaes específicamente pa ellos y elles, con talleres bien prestosos, amás de la participación de dalgunes de les autores más importantes de la lliteratura española infantil, como Beatriz Giménez de Ory, actual Premiu Nacional; Andrea Maceiras, Premiu Anaya 2022, Ana Campoy o Mónica Hernández, Premiu Edebé 2022.
ACTIVIDAES PARALELES
Dientro'l programa oficial, amás de les presentaciones y alcuentros que formen el noyu d'ésti, el corazón del festival ta conformáu por actividaes que se van faciendo al empar, con seiciones que yá tienen muncha tradición.
Públicu infantil. El Celsius tuvo dende l'entamu una vocación clara d'atrayer a la reciella y averala a la llectura, en tolos formatos del fechu narrativu, y al públicu más mozu. Son los y les llectores del mañana, y non sólo eso, los y les creadores del mañana. Pa ellos y elles programáronse actividaes mui especiales.
Miércoles 20
Xueves 21
Vienres 22
Sábado 23
Fíos de Mary Shelley. El primer añu ensin el so impulsor, Fernando Marías, que morrió al entamu d'esti 2022. La seición d'esti añu sedrá un homenaxe a la so persona, ún de los escritores n'español más importante de les últimes décades.
Sábadu 23
Lletres y bits. El Celsius sofítase nesta lliteratura, asina como n'otres artes narratives como'l cine, la televisión, la ilustración, la poesía, el teatru o la música, y dende hai varios años, del mundu del vidiuxuegu, nel entornu de la fantasía, el terror y la ciencia ficción, per aciu d'esta seición. Lo importante de la nueva forma d'espresión y entretenimientu nel festival quedó reforzada esti añu col premiu que concede CIMA Games.
Xueves 21
Vienres 22
Sábadu 23
Sociedá Tolkien Española. Dende esti añu súmase al Celsius 232 la Sociedá Tolkien Española, otra agrupación importante que va desenvolver varies actividaes dientro'l festival.
Per otru llau, dende l'añu pasáu y por culpa de la desvirtualización n'Avilés en 2021, la STE tien una delegación que se convirtió na interlocutora perfeuta pa qu'esta collaboración seya de verdá. Y nun podía pasar en meyor momentu, porque la obra de Tolkien va a volver a tar otra vegada más d'actualidá, gracies a les novedaes audiovisuales importantes qu'hai. Con estes actividaes:
Sábadu 23
Cine na Cai. Otru clásicu del festival, echando cinco películes rellacionaes cola fantasía, el terror y la ciencia ficción, na plaza España. Les películes son toes a les 22:30 hores.
- Martes 19. Onward, de Dan Scalon
- Miércoles 20. Los Goonies, de Richard Donner
- Xueves 21. Los nuevos mutantes, de Josh Boone
- Vienres 22. La guerra de los mundos, de Stephen Spielberg
- Sábadu 23. Dredd, de Pete Travis
Premios Kelvin 505, Lorna y CIMA Games. Otru añu más, van dase los VII premios Kelvin
El Kelvin a la Meyor novela pa la mocedá traducida en 2021 foi pa "Una educacio´n mortal", de Naomi Novik, con traduccio´n de Patricia Sebastia´n Herna´ndez (Umbriel). La Meyor novela pa la mocedá orixinal en castellán, "El clan sin nombre 1: La balada de los Magos", de Africa Vázquez (Munyx). La Meyor novela traducida, "Piranesi", de Susanna Clarke, con traduccio´n d'Antonio Padilla Esteban (Salamandra). Y la Meyor novela orixinal en castellán, "La sen~ora Potter no es exactamente Santa Claus", de Laura Ferna´ndez (Random House).
La obra ganadora del Lorna na categoría al Meyor cómic nacional de ciencia ficción, fantasía o terror publicáu por primera vez n'España en 2021, ye "Tótem", de Laura Pérez (Astiberri); al meyor foriatu foi pa "Monstruos", de Barry Windson-Smith, con traducción de Francisco Pérez Navarro (Dolmen).
Nueches de Teatru. Si'l teatru yá tenía espaciu nel Celsius de la mano de Fíos de Mary Schelley, agora tien una seición propia, "Nueches de teatru", que la pandemia nun dexó qu'entamara hasta agora.
De la mano d'Alba Quintas na direición y la dramaturxa, el públicu podrá disfrutar de la obra "Alicia desvelada", inspirada nos personaxes de Lewis Carroll y con un repartu formaáu por Claudia Cabré, Íñigo Montero y María Herrán, con diseñu de soníu de Javier Megías y Clara Rodes ayudante de direición y responsable d'escenografía y vestuariu.
Vienres 22
- 23.00 hores. Representación de "Alicia desvelada", d'Alba Quintas. Sala escénica de la Factoría Cultural
VII Jornadas de Cosplay. Cumplen siete años y mantienen lo importante del so espaciu, agradeciéndolo muncho a toles persones que participaron que, amás de poner el so conocimientu al serviciu de quien va a les charres, enfótense en da-y al festival más color nestos díes. En el Hotel 40 Nudos.
Vienres 22
Sábadu 23
Rol y Xuegos de Mesa. La seición de rol y xuegos de mesa nun puede faltar, con partíes de rol y xuegos de mesa embaxo los arcos de la plaza de Domingo Álvarez Acebal, de martes a sábadu, dende les cinco la tarde; con charrrs y Alcuentros nel Hotel 40 Nudos, o'l taller de rol d'improvisación.
Miércoles 20
Xueves 21
Vienres 22
Sábadu 23
Taller lliterariu. Otru añu más, de la mano de la escritora Sofía Rhei, y con Gabriella Campbell.
Miércoles 20
Xueves 21
Vienres 22
Star Wars. Con photocall el vienres pela tarde, y el sábadu tol día.
Sábadu 23
Historia oculta de la música. Dempués de dos ediciones siguíes yá ye una seición bien afitada nel festival, cola música como un mediu perbonu pa tresmitir histories, asina como de xenerar conteníos bien apasionantes alredor. Como siempre de la mano de Luis antonio Muñoz, repitiendo programa doble. Per un llau, esmigayando la historia rara y vieya de les canciones maldites, y per otru, de forma tresversal cola nueva sición del festival rrellacionada cola obra de J.R.R. Tolkien, estudiaráse la música de los Anuir.
Xeves 21
Sábadu 23
XIX Nueche de Cultu de Jesús Palacios. Conformada como fin de fiesta del Celsius por décima ocasión, cumple 19 años, dedicada a los cazadores de solombres, detectives de lo sobrenatural. El sábadu 23, dende les 23.30 hores nel Auditoriu de la Casa la Cultura.
Como siempre, munches sorpreses. Tráilers, vidios, regalos y el tradicional concursu esotéricu, nesti casu, un desafíu sobrenatural pa cazadores de solombres, espertos detectives de lo Oculto que sedrán recompensaos xustamente...Margar que si fallen, pueden perder dalgo tovía más valioso que la vida: la so alma inmortal.
Proyectaránse tres histories de misteriu sobrenatural que son en sí mesmes un exerciciu d'investigación nel arcanu televisivu pasáu, nos requexos más oscuros de la Ocultura popular y los secretos escondíos del xéneru. Veníi a La nueche de Cultu y vais convertivos n'auténticos Cazadores de Solombres escaecíes pol tiempu.
Son "Dark Intruder" (EEUU, 1965), de Harvey Hart; "Hechizo letal" (EEUU 1991), de Martin Campbell, y "Las cintas de Norliss" (EEUU, 1973), de Dan Curtis.
XI Xornaes de Doblaxe d'Asturies. Organiza l'asociación cultural OCEN, y vivieron na so primer edición na Feria de Muestres de Mieres; la segunda, na Feria de Coleicionismu de Mieres, les otres dos nel Metrópoli de Xixón y, dende la quinta, en 2016, celébrense dientro'l Celsius 232, onde siguen sumando entregues, yá ye la oncena, y onde esperamos que sigan sumándoles munchu tiempu.
Esti añu tendrán una actividá centrada en doblar a personaxes animaos de llagometraxes Disney, lo mesmo na parte convencional como na cantada, con tres voces tremendamente autorizaes, les de Graciela Molina, Sandra Jara y María Caneda, qu'ente otres, ponen voz a personaxes como Ariel en "La Sirenita" o Vanellope en "¡Rompe Ralph!".
Sábadu 23
Les series de la nuestra vida. L'asociación OCEN lleva varios años desenvolviendo dientro'l Celsius 232 la seición Les series de la nuestra vida, na que repasa y analiza series que formen de la educación audiovisual y emocional de varies xeneraciones. Clásicos yá eternos al los que, de xemes en cuando, ye bono volver a acercase pa descubrir datos nuevos, anécdotes y curiosidaes.
Esti añu, amás d'estudiar otra vegada más la mítica "Dragon Ball", per aciu de la presentación de dos volúmenes nuevos teóricos sobre la serie, l'exe central de la sieción ye la figura del mallográu guionista y productor norteamericanu Glen A. Larson, que dexó plasmáu a tol mundu con ésitos que nun se pueden escaecer como Galáctica, Buck Rogers o El coche fantásticu, ente otres munches, pero que tamién tuvo productos con malos resultaos, pero maraviyosos, con un predominiu claru nos dos casos de los xéneros per aciu de los que se vertebra'l Celsius 232.
Xueves 21
Vienres 22
Mesa redonda Puertu d'Avilés. De la mano de l'Autoridá Portuaria llega una actividá cola mar de fondu, dedicada a les civilizaciones submarines, les de ficción, y les de l'alloriada realidá.
Miércoles 20
Escuela Asturiana d'Esgrima Antigua. Nel Celsius dende la primer edición, con amueses, talleres y una conferencia afondando en cómo definir la forma de ser de los personaxes según la forma que tienen de lluchar y del estilu qu'usen.
Martes 19
- 18.00 hores p'alantre. Talleres d'esgrima (parque Ferrera)
Miércoles 20
- 18.00 hores en adelante. Talleres d'esgrima (parque Ferrera)
Xueves 21
- 18.00 hores en adelante. Talleres d'esgrima (parque Ferrera)
Vienres 22
- 18.00 hores en adelante. Talleres d'esgrima (parque Ferrera)
Sábadu 23
- 18.00 hores p'alantre. Talleres d'esgrima (parque Ferrera)
- Cultura