Contacto

Avilés conviértese esti fin de selmana na capital estatal del rap, cola celebración de la cuarta xornada de la Lliga Freestyle Master Series (FMS), y los duelos de gallos más apasionantes, ente los meyores improvisadores y rimadores del país. Esti sábadu, 15 de xunetu, nel Pabellón de Feries y Esposiciones de La Madalena, a les 20:00 hores. Les puertes ábrense a les 18:30 hores.

Sedrá'l momentu más importanter  d'un fin de selmana de hiphop ensin igual na ciudá, que va entamar el vienres 14, colos Street Warriors dende les 18:00 hores nel recintu de conciertos de La Madalena. Y va terminar el domingu na Antigua Pescadería, onde se va desendolcar la fase rexonal de la Batalla de Maestros (BDM), na que quien se corone como campeón va clasificase pal nacional y podrá actuar na FMS.

Vuelve p'Avilés, un certamen que puede considerase'l campeonatu mundial non oficial de freestyle. Los datos de la primer cita qu'hubo foi de 122.000 espectadores que lo vieron en direuto pela canal Playz, de RTVE, siete trending topics en Twitter y tendencia en Youtube con más de dos millones de visites.

L'asturianu Gazir, que defiende'l títulu como campeón nacional 2022 (na visita anterior cola FMS recibió l'aniellu de campeón internacional 2021), llega na tercera posición del so grupu, nuna clasificación de la que ye cabezaleru l'arxentinu Mecha, y con Zasko na segunda plaza. Nel otru grupu, el cabezaleru ye'l campeón d'anguaño a nivel internacional y subcampeón nacional, Chuty.

Participen un total de doce raperos, dividíos en dos grupos de seis, ofreciendo seis duelos vibrantes nel escenariu. Nel grupu A, xunto a Gazir, Jesús LC, Zasko, Mecha, Mnak y Tupa. El B, con Chuty (a quien Gazir ganó'l títulu d'España na última edición), Sweet Pain, Mounts, LE33, Blon y Skone.

Toles xornaes de la lliga pueden siguise na estaya de la FMS España, Lliga Nacional de Freestyl, na canal de conteníos dixitales Playz de RTVE, nesta direición: https://www.rtve.es/playz/fms/

Entraes a la venta en fmstickets.com, con estes posibilidaes:

• Crew: 10€
• Persones con movilidá reducida (PMR) + acompañante: 25€
• Pista xeneral: 35 €
• Pista Preferente: 45€
• Pista Preferente  + backstage experience (día 14  a les 19.00 hores): 65€
• Esperiencia escenariu + backstage experience (día 14 a les 19.00 hores): 150€

Novedaes de FMS España 2023

Esta edición tien 12 participantes, separaos en dos grupos de 6 cada uno que se fizo por sortéu. D'esos 12, van volver a tar Gazir, Chuty, Skone, Mnak, Sweet Pain, Zasko, Blon y Tirpa. A ellos xúntase-yos los recién ascendíos LE33, Jesús LC y Mounts. En cuanto a Sawi Elekipo, esti añu nun va competir n'España, sinón que que lu van pasar pa la lliga d'otru país. Envede dél va tar l'arxentinu Mecha.

Respecto al formato de la liga, durante 5 jornadas (de la 1ª a la 4ª y la 6ª) se verán las caras los raperos del mismo grupo, por lo que en cada uno de los eventos habrá 6 batallas en total, de las cuales 3 son del grupo A y 3 del grupo B. La 5ª jornada será especial por su componente global. En esta ocasión, se cruzarán los grupos de la liga de España con los de la liga de otro país y los resultados sumarán como en cualquier otra batalla regular.

Respeuto al formatu de la lliga, nes 5 xornaes (de la 1ª a la 4ª y la 6ª van vese les cares los raperos del mesmu grupu, polo qu'en caún d elos eventos habrá 6 batalles en total, de les que 3 son del grupu A y 3 del grupu B.

Sedrá na 7ª xornada cuando por fin los grupos A y B de la FMS España podrán cruzase ente sí y estes batalles escuéyense por sortéu. Pa terminar, la 8ª xornada fadrá les veces de play-ofss y la 9ª sedrá una gran final na que puede pasar de too.

Clasificación