Contacto

Información

La cai Galiana, xunto cola de Rivero ye una de les más especiales y populares de la ciudá. La parte de los soportales, vista dende'l principiu de la plaza Álvarez Acebal, forma un llaberintu que paez que nun termina nunca. 

Construyida nel sieglu XVII, coincidiendo col espoxigue la ciudá fuera la muralla. Tien una parte toa con soportales: 252 metros a techu. Munchos de los edificios que se construyeron siguen tando tovía ehí y cambiaron mui poco.  

El modelu de construcción básase no que yera la tradición na ciudá: el soportal, sirvía-yos a los artesanos que teníen munchu trabayu, p'atechase y tamién pa tapase del sol. Tamién, la xente que vivía na ciudá y que se dedicaba a otres coses podía trabayar atechao, pero al aire, teniendo l'almacén na planta baxa y la casa nel pisu d'arriba. Les cases d'esta cai son especiales respeuto a otres cais con soportales: la parta d'atrás tenía y tien un güertu, colo que quien vivé ellí teníen una despensa bona y tamién sirvía pa guardar, sobre too, les vaques.  

Otra carauterística de Galiana ye'l suelu de los soportales, dividíu en dos partes: empedráu pa que pasare per él el ganáu y otru de llábana pa la xente. Hai que destacar los balcones que tien tan guapos que dan a la calle, dalgunos d'esa dómina. Al final d'ella ta la capiya de Jesusín de Galiana, n'orixen del sieglu XVII anque la fecha de cuando la reformaron yá ye del sieglu XIX.

Too esto fai d'esta calle un espaciu urbanu incomparable, reconvertidu en zona de salir. Dende 1987 faise nella'l Descensu Fluvial, que ye lo más orixinal del antroxu,el más destacáu del norte d'España.