Contacto

CALEYAVILÉS 2024

Esti ciclu cumple 10 años y pa festexalo vamos introducir una visita nueva, guiada pola escritora Matilde Soignie, preparada pa esta ocasión y pal ciclu d'esti añu. 

Programa de visites

21 de xunu, ría d'Avilés y centru internacional Oscar Niemeyer, guiada pol guía oficial del Principáu, Denis Soria

12 de xunetu, visita teatralizada cola escritora avilesina Matilde de Soignie, fadremos un repasu pelos sitios nos que vivió y anduvo. (Matilde ye la segunda autora n'asturianu que publicó un llibru, tres d'Enriqueta González Rubín. La obra titúlase Ecos de mi aldea, exemplar descubiertu en 2021)

26 de xunetu, parque Ferrera, visitando l'edificiu de La Noria, guiada por Denis Soria                          

23 d'agostu, Avilés villa palaciega (propuesta del cursu 6u de Primaria del colexu Marcelo Gago), visitando'l palaciu de Valdecarzana, sede del Archivu Históricu de la ciudá,  guiada por Denis Soria

6 de setiembre, barriu de Llaranes y visita a la ilesia de Santa Bárbara, guiada por Denis Soria.

Hora: 19:00 h.

Puntos d'alcuentru: 

Pa la visita pela ría d'Avilés, plaza d'El Carbayo (delantre la ilesia vieya de Sabugo)

Pa la visita de Matilde, plaza España (delantre la Casa Conceyu)

Pa la visita pel Parque Ferrera, puntu d'alcuentru edificiu de La Noria

P'Avilés, villa palaciega, puntu d'alcuentru palaciu de Valdecarzana

Pa Llaranes, puntu d'alcuentru ,Plaza Mayor de Llaranes

Places: 25

P'apuntase: 

•    Per teléfonu, llamando al númberu 985 545 508
•    Per corréu electrónicu, na  direición:  estayallingua@aviles.es 
•    Per Whatsapp nel númberu 634 821 613

Toles visites son de baldre.