Contacto

Ye una de les ayalgues d'Avilés y de l'Asturies medieval, en concretu del sieglu XIV, tiempu de pasu del románicu al góticu. La familia Los Alas, unos mercaderes avilesinos mui poderosos, quixo llevantar una capieya funeraria pa enterrar nella a los sos familiares. Fízolo nel cementeriu de San Nicolás de Bari (güei Ilesia de los Padres Franciscanos).

Ye un edificiu pequeñu y con pocos adornos, de planta cuadrada, mui guapu dende'l puntu de vista arquiteutónicu. Fachada d'una planta onde destaquen l'escudu nobiliariu de la familia y una portada preciosa, d'estilu protogóticu, adornada con cares barbudes nunos casos y con ales n'otros.

Faiga una visita virtual per dientro la Capiya de las Alas escaneando esti códigu QR: