Contacto

Conocida tamién como de Josefina Balsera, ye una mansión espectacular construyida en 1903, na parte que daquella entamaba a ser la parte moderna de la ciudá. 

La emigración d'avilesinos y avilesines p'América tenía Cuba como principal destín. Ente esti país antillanu y la nuestra ciudá siempre hubo muncha rellación a lo llargo la historia. Eladio Muñiz, un indianu que naciere n'Avilés tuvo suerte en Cuba y fizo una fortuna y al volver llevantó esta casa que paez un palaciu. 
 
La fachada del edificiu  ye espectacular, faciendo chaflán. Tien tres pisos, un áticu abovedáu y una torre con mirador, preciosa. Cuando se construyó en 1903, nun había cases altes que torgaren la vista privilexada, dende esa torre, de tola ciudá y sobre too del estuariu avilesín.