![](/documents/20124/638603/C_Cultura7.jpg/70e587c3-b386-6764-2124-75fe8409c0b6?t=1625224954996)
Casa la Cultura
Arquiteutónicamente tien un diseñu vanguardista con dos fachades estupendes, bien diferenciaes. Dientro hai de destacar la solución que se da pa que los espacios se rellacionen ente ellos y la tresparencia.
El Conceyu decidió na década de los ochenta del sieglu XX, facer una Casa de Cultura nueva qu'atienda la demanda cultural de la sociedá avilesina que cada día ye mayor. Pa ello convocó un concursu públicu d'anteproyeutos, que ganaron los arquiteutos José Luis de Arana y María Aroca. De la filosofía del proyeutu ganador destaca que l'edificiu fuere un puntu de comunicación del centru de la ciudá col parque Ferrera, aprovechando asina'l tráficu peatonal pa que la ufierta cultural tenga mayor difusión. Les cristaleres del edificiu faciliten la comunicación ente la entrada y el primer pisu y la lluz natural aprovéchase del too. La entrada principal, que da pa la plaza Domingo Álvarez Acebal, ta n'armonía con tolo que la arrodia: la piedra cenciello de la fachada de la que sobresalen unos miradores mui modernos, carauterísticos de l'arquiteutura de la zona cantábrica. Per otru llau, la fachada que da pal parque Ferrera ye vanguardista y mui impactante.
L'edificiu, con unos 5.000 m2 de superficie, tien : un Serviciu de préstamu de llibros y sales de llectura pa persones adultes y pa neños y neñes. Pa desenvolver les actividaes tien un auditoriu (677 places), sala de conferencies (108 places), sala d'esposiciones y sala p'aconceyamientos d'asociaciones (filatelia, numismática, etc).
-
Cultura
-
Cultura
-
Conoce Avilés30 agosto 2024