Contacto

Otru añu más, la Fundación Deportiva Municipal d'Avilés, ufre a tolos avilesinos y avilesines una programación deportiva sana pal branu, pa tol mundu, ensin importar los años.  

Les actividaes nun van se mui cares y habrá muncha ufierta, con propuestes pa tolos gustos nun programa con casi 4.000 places en 25 modalidaes que se programaron pa los meses de xunetu, agotu y setiembre, con un aumentu considerable, teniendo en cuenta les 700 places de la campaña del xunetu y agostu de 2021. La programación presentóla la conceyala de Deportes, Nuria Delmiro. 

El programa completu ye ésti:

Actividaes acuátiques: Cursos d'enseñanza intensivos (10 clases) pa edaes diferentes, dende educación infantil hasta persones adultes.

Delles actividaes con dos o tres clases a la selmana, pa coleutivos diferentes: neños y neñes mui piquiñinos y piquiñines,  mayores de 65 años, muyeres preñaes, persones con discapacidá

Actividaes de mantenimientu físicu con dos o tres clases a la selmana: ximnasia acuática pa persones de menos de 65 años, aquarunning, aquaGAP y aquaerobic. 

Actividaes recreatives: los llunes y vienres, a les 5 de la tarde, natación familiar. Y amás esti añu vamo tener, dientro de la programación varios díes recretivos especiales, con formatos diferentes y actividaes, los díes 1 de xunetu, 16 y 26 d'agostu y 8 de setiembre. 

Xunetu y agostu na piscina del Complexu Deportivu Avilés y en setiembre na del Complexu Deportivu de La Madalena

Actividaes de sala y cancha: Aeróbic con step; yoga; GAP; pilates; ximnasia de mantenimientu pa persones adultes (mayores de 16 años); zumba; hipo-pilates, hipopresivos y ciclismu de sala nel Complexu Deportivu Avilés y nel Complexu Deportivu de los Canapés.

Actividaes al aire: cursos de tenis pa neños y neñes y persones adultes nes pistes de tenis del Complexu Deportivu de Los Cananpés y ximnasia al aire en parques, col programa "Deporte y salú" que se va facer nel parque Ferrera, pa mayores de 65 años , pero tamién pa otres edaes. 

P'apuntase

Podrán apuntase primero en toles actividaes, dende'l 13 de xunu na sede electrónica d'Avilés. 

Los grupos que nun tengan un númberu mínimu de persones podrán suspendese, dende'l 23 de xunu pa los cursos de xunetu, vienres 22 de xunetu pa los del mes d'agostu y el martes 23 d'agostu pa los cursos de setiembre. Nesi momentu nun tendrán que pagar nada. 

A les persones que s'apunten a  los cursos que nun se puedan facer, porque nun tengan xente abondo, mandaráse-yos un SMS o llamaránles per teléfonu, pa que se puedan apuntar a otros cursos onde haya places llibres.

Tres díes enantes d'entamar l'actividá, toles que yá tuvieren apuntaes pueden pasar pelos controles de les instalaciones deportives abiertes al públicu, pa pagar n'efectivu la plaza pa la que s'apuntaren. 

Si quien s'apunte a algo nun  paga enantes de qu'entame l'actividá, daráse-y de baxa, pasando a ocupar esta plaza les persones en llista d'espera. 

Quien nun seya tovía usuariu o usuaria de la Fundación Deportiva Muinicipal tendrán de dase d'alta enantes d'apuntase. Esto pueden facelo recoyendo l'impresu na ventanilla de control del Complexu Deportivu Avilés, del Complexu Deportivu de La Madalena o del Complexu Deportivu Los Canapés o descargándolu de la web municipal. 

En dándose d'alta daráse-yos la tarxeta deportiva, y va poder dir por ella al control del Complexu Deportivu Avilés. Apuntase nesti rexistru nun cuesta nada. 

El o la que yá seya ususariu o usuaria de la FDM va poder apuntase nes actividaes que-y pete asina: 

- Sólo pela sede electrónica en: https://aviles.es/TSAvilesDeportes/

Recomendación: comprobar con tiempu, el mecanismu p'apuntase o facer reserves telemáticamente na sede electrónica. Si nun puede entrar, mande un corréu electrónicu a fdmcovid19@aviles.es, poniendo nome, apellíos, DNI, fecha de nacimientu, señes y teléfonu de contactu. 

El folletu con toles actividaes y cursos qu'hai puede descargase nesti enllaz:  https://aviles.es/documents/20124/970226/Actividades_Verano_FDM_22.pdf

Precios Públicos

Bonificaciones pa families numeroses

L'artículu 4, puntos 4 y 5, de la Ordenanza Fiscal nu 108 reguladora del preciu públicu pola prestación de servicios nes instalaciones de la Fundación Deportiva Municipal pal exerciciu 2022, plantega estes bonificaciones pa families numberoses:

FAMILIES NUMBEROSES DE CALTER ESPECIAL

FAMILIES NUMBEROSES DE CARÁLTER XENERAL

RENTA PER CAPITA UNIDä FAMILIAR

Les bonificaciones tendrán que solictase espresamente nel Rexistru Municipal, cola acreditción correspondiente, nun siendo acumulables, polo que nel casu de coincidir más d'una, aplicaráse sólo la mayor. 

El plazu de presentación de la solicitú de bonificación sedrá ente'l 1 de xunetu y el 30 de setiembre de 2022, resolviéndose en terminando'l plazu, devolviendo les que se tengan de devolver, según el tipu de bonificación y el preciu que se pagó al apuntase.