Exterior cicLaC

C. I. del Cementeriu La Carriona

Información

cicLaC Centru d'Interpretación del Cementeriu La Carriona ye un espaciu espositivu pioneru n'España y, xunto col Muséu de la Historia Urbana d'Avilés, formen la rede de museos municipales de la ciudá.  

Son autores del plan y discursu museográficu Manuel Ángel Hidalgo Menéndez y Ricardo Fernández López. Al remocicar les cases onde vivíen el conserxe y el capellán antiguamente, recupérase'l diseñu orixinal de Ricardo Marcos Bausá, arquiteutu que proyectó'l cementeriu avilesinu en 1890. 

Nel cicLaC hai una riestra paneles qu'asoleyen el contestu históricu nel que se llevanta'l cementeriu, la so fechura a lo cabero'l sieglu XIX, los elementos artísticos principales con obres d'artistes de renome como Cipriano Folgueras, Manuel del Busto o Federico Ureña, avilesinos importantes ellí enterraos como Armando Palacio Valdés, Julián García San Miguel, Benjamín y Julián Orbón, Marcos del Torniello..., y tamién se noma los cementerios antiguos de la ciudá y los otros dos cementerios del Conceyu: el parroquial de San Cristoba/San Cristóbal de Entreviñas y el tamién municipal de Valliniello/Navarro, enseñando tamién l'Avilés d'aquella dómina. 

 

 

 

 

El cuerpu espositivu complétenlu varies vitrines con reproducciones facsimilares de proyeutos de panteones, solicitúes d'enterramientops de mediaos del sieglu XIX o proyeutos constructivos que nun se llegaron a facer que tán nel archivu del Conceyu, asina como dos audiovisuales, ún de la Ruta Europea de Cementerios y otru del mesmu cementeriu avilesín. 

El o la visitante tien un planu col que puede siguir los itinerarios "Espaciu d'arte" y "Llugar de memoria" colos que percorrer esti cementeriu preciosu, descubriendo'l valor artísticu del mayor muséu al aire que tien Avilés. 

Visites guiaes pa grupos amañándoles primero.

Actividaes del Conceyu rellacionaes col cementeriu
 
  • Participación nel proyeutu européu Eucemet (xunto colos cementerios de Chipre y Francia).
  • Plan Direutor de los Cementerios del Conceyu.
  • Entrada n'Asociación Europea de Cementerios y na Ruta Europea de Cementerios Significativos del Conseyu d'Europa, xunto a otros tan emblemáticos como'l cementeriu Père Lachaise. París, o los de Roma, Londres, Hamburgo, Madrid o Barcelona.
Preciu

Entrada de baldre

Horariu

Llunes a vienres:  10:00 a 13:00h / 16:00 a 18:00h
Sábados, domingos y festivos:  11:00 a 13:00h

Contautu

Teléfonu: 985 541 939 / 985 565 512
Corréu Electrónicu: museodeaviles@aviles.es

Redes Sociales

Facebook del Centru d'Interpretación del Cementeriu Municipal de la Carriona

Señes

Centru d'Interpretación del Cementeriu La Carriona (cicLaC)
Cai La Carriona, 7
33401 Avilés

 

Edificio Interior