El Centru Cultural de Llaranes José Ángel del Río Gondel mantien la so programación d'actividaes qu'entamaron n'ochobre. Amás d'eses, agora hai d'axuntar, un taller de cocina, otru de sevillanes, y tamién otres celebraciones, como la de san Valentín o Les comadres y compadres, en tiempu d'antroxu.

Son actividaes de baldre, nes que ye necesario apuntase primero na mesma cai Río Eo, esceuto que ponga na mesma entrada que ye llibre. La programación ye ésta: 

• Taller de cocina con Encarnita, día 4 de febreru a les 11  la mañana.
• Taller de sevillanes los vienres a les 17.00 a partir de febreru.
• Día 14, día de San Valentín, decoración del centru y photocall, tol día.
• Miércoles 26, fiesta de comadres y compadres, chocolate con churros y baille, a les 17.00.

En cuanto a la programación de siempre, siguen estes actividaes:

• TALLER DE BAILLE ACTIVU. Pa persones adultes, llunes y miércoles de 17.30 a 18.30 hores. Taller de baille que combina exerciciu aeróbicu con coreografíes musicales. 25 places: completu.
• TALLER DE MOVIMIENTU CONSCIENTE. Pa persones mayores ensin problemes de movilidá. Llunes de 11.00 a 12.00 hores. Actividá física media, buscando ser consciente del movimientu y les propies capacidaes pa reblagar les propies llimitaciones que van xurdiendo. 25 places: completu.
• TALLER DE MEMORIA. Pa  persones mayores, 2 grupos de 20 persones caún,  Los miércoles (grupu 1, de 11.00 a 12.00 hores; grupu 2, de 12.15 a 13.15 hores) Taller d'entrenamientu cognitivu pa mantener en forma'l cerebru, nel que se faen exercicios de lóxica, orientación espacial, razonamientu numéricu y actividades lecto-escritores. Completu
• TALLER DE XIMNASIA EN SILLA. Ximnasia adautada pa persones con poca movilidá, actividá qu ayuda a nun perder masa muscular y a ar en meor forma física. Los xueves a les 11.00 hores. Hai 20 places ocupaes y queden 5 llibres.
• TALLER D'ESTIRAMIENTOS (NOVEDÁ ESTi AÑU): Estiramientos en siella, los martes n'horariu de 16.30 a 17.15 hores.20 places: completu.
• TALLER DE LLITERATURA. Llectura y escritura creativa, n'horariu de xueves de 17.00 a 18.00 hores. Fáense exercicios de llectura y escritura creativa, comentarios de llibros, debates sobre noticies, procurando fomentar el disfrute polos llibros, la prensa, y tola cantidá de posibilidaes que tenemos cerca si nos permitimos ser creativos y creatives. 20 places: completu.
• TALLER DE TEATRU. Pa neños y neñes d'ente 7 y 11 años. Sábadu n'horariu de 11:30 a 13:00. Usando'l teatru como escusa, desensolcamos xuegos, cuentos, histories prestoses y curties que nos ayuden a trabayar en/pa/dende les nuestres rellaciones coles otres persones.

Otres actividaes a cargu d'entidaes de fuera

Amás de la programación del centru, mantiense la programación d'actividaes que dependen d'otros servicios y entidaes. Pa participar nelles, ye necesario dir a estes entidaes,  y dende la oficina del centru dicen cómo hai de facelo. Son éstes:

• Programa de Prevención  y intervención Socioeducativa del Conceyu d'Avilés: PROA clases d'apoyu escolar. Martes y xueves de 17.15 a 18.45 hores.  
• Asociación Santa Bárbara, de Llaranes: Taller de Stretching (estiramientos) vienres de 11.00 a 12.00 horrs. Taller de Pilates, martes y xueves, mañanes de 10.30 a 11.30 hores, y de tarde de 18.30 a 19.30 hores.
• Talleres del Equipu Sicosocial del Conceyu. charres mensuales a cargu de la empresa d'ayuda a domiciliu. Día 18, a las 16.45 hores.

Per otru llau, el coleutivu MAVEA mantendrá dos reuniones privaes (non abiertes al públicu), los díes 19 y 27, de 19.00 a 21.00 hores.