L'alcaldesa d'Avilés, Mariví Monteserín, y la conceyala de Memoria Democrática, Ana Solís, participó esti miércoles nel actu de colocación de 9 piedres nueves de la memoria o 'stolpersteine' n'alcordanza d'avilesinos y avilesines que padecieron los campos de concentración nazis. Ficiéronles acompañaes pola viceconseyera de Derechos Ciudadanos, Beatriz González Prieto; la direutora xeneral de Memoria Democrática, Begoña Collado Villa; asina como de representantes del Grupu Deportaos Asturies y de familiares de les persones recordaes.

El númberu 9 de la cai Bances Candamo foi l'escenariu del actu nel que se colocaron siete de les piedres nueves, concretamente n'homenaxe d'otros tantos integrantes de la familia Ramos Barril. Les dos 'stolpersteine' restantes punxéronse na plaza El Campo (San Cristóbal), n'alcordanza de Manuel García Rodríguez, y na plaza de San Telmo (El Nodo), y n'alcordanza de José Ataulfo Arrojo Marqués.

Toes estes persones marcharon pa Francia en terminando la guerra tres el golpe d'Estáu de 1936 y dempués deportaes a campos de concentración nazis.

Anguaño son 15 les piedres de la memoria que se punxeron n'Avilés. A mediaos de 2023 punxéronse les 6 primeres nes cais González Abarca, La Cámara, Cabruñana, Los Alfolíes y Rivero (2), n'alcordanza d'otres tantes persones asturianes -avilesines y de la Redolada- represaliaes y y a les que mandaron a los campos nazis dempués de que les tropes franquistes ganaran na Guerra Civil. Naquel actu tuvo l'artista alemán Gunter Demnig, impulsor d'esta idea n'homenaxe a los cientos de miles de persones asesinaes nos campos nazis onde nun falten españoles, y ente elles asturianes y avilesines.

Ónde tán les piedres de la memoria n'Avilés

Las 9 piedres nueves de la memoria punxéronse n'alcordanza de:

• Familia Ramos Barril. C/ Bances Candamo, 9 (Belarmino Ramos Menéndez, Anselma Barril González, Jesús Ramos Barril, Eloína Ramos Barril, Galo Ramos Barril, Manuel Ángel Ramos Barril. Y tamién como homenaxe a María Luisa Ramos Barril, que tuvo presente nel actu.
• Manuel García Rodríguez. Plaza d'El Campo (San Cristóbal)
• José Ataulfo Arrojo Marqués. Plaza de San Telmo (El Nodo)

Las 6 que se punxeron primero recuerden a:

• Eduardo Alfredo Fernández Álvarez. C/ González Abarca, 29
• Marcos Arturo García Vega. C/ La Cámara, 46
• Emilio Antonio Arrojo Arrojo. C/ Cabruñana, 16
• Alberto Sánchez García. C/ Los Alfolíes, 7
• Andrés Leopoldo Marquínez de la Vega. C/ Rivero, 27
• Ángel Jesús Conde Gutiérrez. C/ Rivero, 44

Más de 75.000 piedres per toa Europa

El proyeutu Stolpersteine de Gunter Demnig supón que yá más de 75.000 “piedres de la memoria” en 20 países. Son unos bloques pequeños de cementu grabaos colos datos de la víctima:   nome, fecha de ñacimientu, datos de la deportación y fecha na que morrió o de la lliberación. Pónense nel suelu n'alcordanza de les víctimes del nacionalsocialismu (xudíos y xudíes, homosexuales, presos políticos y preses polítiques o miembros de les Brigades Internacionales) ente los años 1933 y 1945. Son unes pieces pequeñes de cementu en forma de cubos con un formatu de 10x10x10 centímetros.