![](/documents/20124/803909/4.5.+Formaci%C3%B3n+y+Empleo.jpg/2790c493-1e9f-ef79-ec3f-585ba25325d5?t=1631015360832)
El plazu pa solicitar ayudes municipales pa contratar persones d'Avilés que nun tengan trabayu termina'l 14 d'ochobre. Podrán beneficiase d'ello les empreses, trabayadores autónomes/os. y entidaes ensin ánimu de lucru que desenvuelvan la so actividá dientro del Principáu d'Asturies.
Pueden subvencionase les contrataciones que se faigan nel mercáu ordinariu a persones empadroanes nel Conceyu d'Avilés nos 12 meses anteriores y que nel mes anterior a la fecha d'alta, nun tuvieran trabayu. Les contrataciones tendrán de facese ente'l 1 d'ochobre de 2023 y el 30 de setiembre de 2024 con una duración mínima de seis meses y tendrán de suponer un aumentu na plantiya de la empresa respeuto a los cuatro meses previos.
Les ayudes son pa cubrir gastos derivaos de la contratación (salariu brutu, cotización a la Seguridá Social a cargu la empresa y prorrata de pagues estraordianries) nos dos primeros meses, con importes que van dende los 1.000 hasta los 3.000 euros mensuales en función de la categoría profesional y la xornada llaboral.
Las solicitúes tendrán que llevar una documentación qu'acredite estos tres puntos:
- Los datos de la empresa (fiscales, bancarios y de representación).
- Qu'esta empresa contató a una persona desempleada (contratu de trabayu y informe de vida llaboral de la persona contratada).
- Qu'esta contratación sirvió pa que creciere la plantiya (Informe de Plantiya Media de Trabayadores d'Alta dau pola Tesorería Xeneral de la Seguridá Social de los cuatro meses anteriores).
En pasando los seis meses de contatación esixíos pa recibir ayuda económica, la empresa tien un plazu de 60 díes pa xustificar que se cumplieron los requisitos esixíos na convocatoria (mantenimientu del empléu, costes salariales y a la Seguridá Social).
Si'l créditu disponible nun permitiera la concesión de subvenciones a toles solicitúes presentaes, Plantégase como criteriu de prelación les puntuaciones algames dempués de la evaluación de:
- El tamañu de la empresa (les empreses más pequeñes tendrán mayor puntuación).
- La xornada llaboral (más puntuación cuanto mayor seya).
- Les circunstancies de la persona contratada (si ye solicitante d'apegu por formación, mayor de 55 años, desempleada o si fai un itinerariu de busca de trabayu nel Ária d'Acompañamientu Llaboral del Conceyu).
Lo mesmo la consulta de les bases de la convocatoria como la tramitación de les solicitúes pueden facese pela Sede Electrónica del Conceyu d'Avilés, (https://sedeelectronica.aviles.es), calcando en "Publicaciones" y, dempués, en "Subvenciones".
Convocatoria de 2023
Na edición del añu pasáu, con un presupuestu de 80.000 euros fueron 17 les empreses que recibieron ayudes pa pagar los sueldos y a la Seguridá Social nos dos meses derivaos de la incorporación d'una nueva persona a la so plantiya.
Fueron 19 les persones d'Avilés que nun teníen trabayu a les que se contrató, polo menos 6 meses, y que tuvieron el sofitu de los recursos económicos aportaos pol Conceyu d'Avilés. D'estes 19 persones, 11 yeren muyeres y 8 homes.
- Formación y Empleo