Ayuda
L'Asociación de Donantes de Sangre, el Centru Comunitariu de Sangre y Texíos y el Conceyu d'Avilés, organicen pa la selmana que vien, dende'l llunes 13 hasta'l vienres 17, nel Salón de Recieciones de Casa Conceyu, otru maratón de donación de Sangre que ye la primer vez que se fai nestes feches, un poco enantes de que llegue'l branu. Una época na que la xente ta de vacaciones y suel haber menos donaciones, pero en cambiu sigue habiendo les mesmes necesidaes nos hospitales.
Si son bonos resultaos y la xente participa, va repetise'l maratón l'añu que vien nestes mesmes feches como complementu del tradicional Maratón de Navidá que se fai tolos años.
La campaña presentóla la conceyala de Ciudá Saludable, Lucía Fernández Ron, acompañada de María Teresa Díaz Campomanes, xerente del Centru Comunitariu de Sangre y Texíos d'Asturies y Carlos Vigil, presidente de l'Asociación de Donantes de Sangre d'Avilés y Corvera.
Les persones que quieran participar nesti Maratón especial pueden donar el llunes de 10 a 21 hores y el martes a vienres de 9 a 21 hores. Toles persones que donen tendrán de regalu llavar el coche de bladre nos centros Elefante Azul. Un xestu solidariu pequeñu que contribuye a salvar vides y n'otros casos a meyorar les vides de munches persones.
El martes 14 de tarde, coincidiendo col Día Mundial del donante de sangre y col maratón, nel Salón de Receiciones de la Casa Conceyu habrá un actu de reocnocimientu a l'Asociación de Donantes de Sangre d'Avilés y Corvera.
Nel maratón de les navidaes pasaes, que se fizo del 13 al 17 d'avientu, recoyéronse más demediu millar de bolses.
- Personas y Bienestar