Contacto

Marisa Luque, presidenta de Escontra'l Raigañu; Ana Solís, concejala de Normalización Llingüística; Yolanda Alonso, concejala de Cultura; José Federico Álvarez Palacios, presidente de Xuntanza; Verónica Vázquez y Eloísa Vega, de Xaréu d'Ochobre.

La plaza Hermanos Orbón vuelve a convertise nel Mercáu de Les Aceñes cola XXII edición de la Seronda n'Avilés. Una celebración de seronda, los sos productos y tradiciones más asturianes, xuníos al comer bien, a la música allegre y de raigón, protagonistes otru añu más, el fin de selmana que vien, el vienres 7 y el sábadu 8 de payares.

Organizáu pola Federación d'Asociaciones Xuntanza d'Avilés, el Conceyu d'Avilés y la collaboración de La Plaza y Caja Rural de Asturias, presentáronla pela mañana Yolanda Alonso, conceyala de Cultura, y Ana Solís, conceyala de Normalización Llingüística, acompañaes por José Federico Álvarez Palacios, presidente de Xuntanza, y Marisa Luque, presidenta de Escontra'l Raigañu.

Avilés reivindica'l patrimoniu cultural tan bayurosu de la seronda asturiana, memoria y presente. Una carpa va presidir l'espaciu, na qu'un chigre, lleváu pola Asociación Cultural de Piniella, permitirá tastiar bonos productos como la sidra, castañes o tortos.

Tamién habrá un escenariu, onde la música va convertise nel otru gran protagonista del programa d'actividaes, yá dende la inauguración oficial, el vienres a les 19.15 hores (la carpa ábrese a les 19.00 hores) cola actuación de la Bandina Cuatrolán.

El mesmu vienres garrarán el relevu los bailles y soníos más tradicionales gracies al trabayu de Xaréu d'ochobre y Escontra'l raigañu, pa siguir dempués cola Bandina Cuatrolán pa terminar con Algaire, a les 22.00 hores.

Pal otru día, el sábadu 8, entama l'actividá al mediudía, n'abriendo la carpa y el chigre a les 12.00 hores, acompañao too cola Bandina Rebulir de Galicia. A les 14.00 hores, xinta popular col pote de berces y arroz con lleche.

Pela tarde, acútase un espaciu pa la reciella que va pasalo mui bien cola animación infantil "La Seronda encantada: un cuentu bailláu pa la reciella", a les 17.00 hores. Dempués a les 19:30 h amuesa de bailles y sones tradiciones col Grupu Rebulir de Galicia actuará enantes de qu'entame la 'Nueche en danza' con Bandina Los Collainos (20.30 h.), Pandereteres de Rebulir -con taller de baille gallegu- (21:30 h.) y el ramu que lu van poner Alba Gutiérrez & ¿¿ueñe (22.30 h.).

Programa XXII Seronda N'Avilés

Vienres 7 de payares

• 19.00 hores. Apertura de la carpa, con música popular d'animación y chigres con productos de seronda: sidra, castañes, tortos... Asociación Cultural de Piniella
• 19.15 hores. Inauguración oficial de la XXII Seronda n'Avilés. Actuación de la Bandina Cuatrolán
• 20.00 hores. Amuesa de bailles y sones tradicionales con Xaréu d'ochobre y Escontra'l Raigañu
• 21.30 hores. Actuación de Bandina Cuatrolán
• 22.00 hores. Conciertu Algaire

Sábadu 8 de payares

• 12.00 hores. Apertura de la carpa cola Bandina Rebulir de Galicia. Chigre con productos de seronda, de l'Asociación Cultural de Piniella
• 14.00 hores. Xinta popular: pote de berces y arroz con lleche
• 17.00 hores. Animación infantil. Cuentu "La seronda encantada”
• 19.00 hores. Bailles y sones tradicionales col Grupu Rebulir de Galicia
• 20.30 hores. Nueche en danza. Actuación Bandina Los Collainos
• 21.30 hores. Nueche en danza. Pandereteres de Rebulir (con taller de baille gallegu)
• 22:30 hores. Nueche en danza. Alba Gutiérrez & ¿¿ueñe