Contacto

Nadadores de 6 clubes van participar nel I Abiertu Principáu d'Asturies de Natación Inclusiva, el sábadu 11 de xunu a les 11:00 hores na piscina del Complexu Deportivu La Madalena.  

La conceyala de Deportes, Nuria Delmiro, presentó esti eventu, organizáu pola Comisión de Deporte Integráu y Inclusivu de la Direición Xeneral de Deporte, la Federación de Deprotes pa persones con Discapacidá Física del Principáu d'Asturies (FEDEMA) y pola Federación Deportiva de Natación Asturiana (FDNA). Fízolo acompañada pola direutora técnica de FEDEMA, Beatriz Álvarez Valderrama, pol presidente de FDNA, Jose Manuel GArcía Larroza, y pola Direutora Xeneral de Deporte, Aida Nuño Palacio. 

Nadadores d'alevín, máster y con discapacidá formarán equipos ente los clubes participantes que son estos: Club Mareastur Natación Adaptada d'Uviéu, Club Natación Avilés, Real Grupo Cultural Covadonga de Gijón/Xixón, Club Acuático Soiras d'Avilés, Club natación Ovimaster d'Uviéu y Club Natación Villa de Navia. Cada deportista va nadar dos pruebes con un resultáu que se va contar xunto col del so equipu. 

Ye un eventu pioneru, organizáu pola Comisión de Deporte Integráu y Inclusivu de la Direición Xeneral de Deporte, onde los y les nadadores de distintes categoríes según la edá que tengan, con y ensin discapacidá, van competir cola mesma normativa, por equipos, y con un formatu inclusivu dafechu nel so desendolcu y clasificación final.