Contacto

D'izq a dcha: José Vega, Germán Concheso, Santiago Manjón, José Manuel González y Yolanda Alonso.

La CXXXVIII edición del Certamen de Ganáu de San Agustín tien 443 reses apuntaes ente vaques y asturcones, de 112 ganaderíes. Celébrase ente'l 25 y el 28 d'agostu nel Pabellón d'Esposiciones de La Madalena, de 10 a 22 hores. . 

 La conceyala de Promoción de Ciudá, Yolanda Alonso, presentó'l certamen xunto con:

• José Manuel González, en representación de l'Asociación Española de Criadores de Ganáu Vacuno Selecto de la Raza Asturiana de los Valles (ASEAVA)
• José Vega, direutor de zona de Caxa Rural d'Asturies
• Santiago Manjón, en representación de l'Asociación de Parda de Montaña d'Asturies
• Germán Concheso, presidente de l'Asociación de Criadores de Ponis de Raza Asturcón (ACPRA).

Nel certamen  participen vaques de la raza parda alpina normal (20 vaques pauntaes), parda alpina de la montaña (36 vaques), asturiana de la montaña (92 vaques) y 255 vaques d'asturiana de los valles -tipos normal y doble grupa-), amás de 40 asturcones. .

Lo nuevo d'esta edición ye que se van dar premios al meyor exemplar de les races autóctones de cabra Bermeya, pita pinta, oveya xalda y gochu asturcelta. Les calificaciones fadránse in situ, mientres dure'l certamen.  Ye una iniciativa pilotu que puxa pola presencia d'estes races pa otres ediciones.  

El públicu va poder ver exemplares de 17 especies na esposición permanente d'animales de casa. Habrá cabres (Boher, Enana), oveyes (Suffolk), coríos, pites (Araucana, Brahma y Wyandotte), emús, curuxón (Real), burros, ponis, perdices y parpayueles (exótiques), asina como los nomaos exemplares de cabra bermeya, pita pinta, oveya xalda y gochu asturcelta. 

Como entidá patrocinadora d'esti eventu, Caxa Rural d'Asturies va volver a collaborar organizando otres actividaes al empar d'ésta. Ente elles destaca la esposición "Races autóctones del Principáu d'Asturies". La entidá patrocina tamién la esposición "Los recursos xenéticos: la conservación de la nuestra biodiversidá y el futuru del campu", entamada pol Serviciu Rexonal d'Investigación y Desarrollu Agroalimentariu (SERIDA). 

Les dos amueses  podrán visitase nell stand de Caxa Rural d'Asturies, del xueves 25 al sábadu 27, n'horariu de 11 a 14 y de 17 a 21 hores, y el domingu 28, de 11 a 12 hores.

Programación del CXXXVIII Certamen de Ganáu San Agustín 2022

Pabellón d'Esposiciones de La Madalena

Miércoles 24

• 16:00 a 22:00 h. Entrada del Ganáu.

Xueves 25

Xornada inaugural:

• 9:00 a 14:00 h. Calificación del Ganáu: Asturiana de los Valles, tipu normal (pista d'arena).
• 13:30 h. Receición d'autoridaes.
• 15:30 a 21:00 h. Calificación del Ganáu: Asturiana de los Valles, doble grupa (pista d'arena).

Vienres 26

• 9:30 a 15:00 h. Calificación del Ganáu: Asturiana de la Montaña (pista d'arena).

Actos Día "Caxa Rural d'Asturies"

• 10:00 h. Entrega d'un regalu especial a cada ganaderu o ganadera participante.
• 13.00 h. Visita Conseyu Rector Caxa Rural d'Asturies.

Xornada del deporte rural:

• 18:00 h. Concursu d'arrastre con gües. Entrega de nomamientos del certamen.

Sábadu 27

• 9:00 a 15:00 h. Calificación del Ganáu:

• 9:00 h. Parda Montaña (pista d'arena).
• 10:00 h. Asturcones (pista de yerba).
• 11:30 h. Parda (pista d'arena).

Xornada del deporte rural:

• 17:00 h. Concursu d'arrastre con asturcones.
• 18:00 h. Concursu d'arrastre con caballos raza "Equino de la Montaña Asturiana".

Domingu 28

Pieslle:

• 12:00 h. Pieslle y entrega premios.

Del 25 al 28 d'agostu

Esposición y concursu de races autóctones de cabra bermeya, pita pinta, oveya xalda y gochu asturcelta.

Esposición permanente "Granxa d'animales de casa".

Nel puestu de Caxa Rural d'Asturies*

• Esposición "Races autóctones del Principáu d'Asturies"
• Esposición del SERIDA "Los recursos xenéticos: la conservación de la nuestra biodiversidá y el futuru del campu"

(*) Horariu: del 25 al 27 d'agostu, de 11 a 14 y de 17 a 21 hores. El 28 d'agostu, de 11 a 12 hores.