El Conceyu d'Avilés ufierta 120 places de baldre pa los Campamentos urbanos pa la Mocedá d'Avilés que se van facer dende'l 4 hasta'l 9 de xunetu repartíos en cuatro turnos pa cada selmana. P'apuntase puede facese hasta dos díes llaborables enantes qu'entame'l turnu nel que se quiera apuntar. Nun tienen la consideración de díes llaborables nin los sábados, nin los domingos nin los festivos llocales, autonómicos o nacionales.
Xunetu 2022 |
Places |
Díes |
Turnu I : díes del 4 al 8 de xunetu |
30 |
5 |
Turnu II : díes del 11 al 15 de Xunetu |
30 |
5 |
Turnu III: díes del 18 al 22 de Xunetu |
30 |
5 |
Turnu IV: díes del 25 al 29 de Xunetu |
30 |
5 |
Trátase d'un proyeutu formativu y participativu de dinamización del ociu y tiempu llibre pa l'adolescencia, sobre too pa la mocedá con menos oportunidaes; un proyeutu que xurde de les necesidaes que paez qu'hai na mocedá y llevántase poniendo en marcha les sos propies iniciatives, coles que se va dir trabayando distintos valores que contribuyen al so desarrollu personal y social.
Con ello peles mañanes del mes de xunetu, mozos y moces con edaes d'ente los 12 hasta los 16 años, que por realidaes familaires tienen poques posibilidaes de facer actividaes pa entretenese y sanes, puedan disfrutar d'elles.
Tamién, al entamar esti proyeutu tómense midíes p'afayar la conciliación de la vida llaboral, familair y personal. Too esto pa que madres y padres tengan tamién oportunidaes d'espoxigue personal y profesional, pudiendo faceles compatibles, en corresponsabilidá, cola vida personal y familiar.
Otru añu más el sitiu onde se va facer l'actividá va ser el CP Marcelo Gago, porque ta mui bien allugáu ente los parques de Ferrera y La Madalena, espacios perfeutos pa facer actividaes al aire.
L'horariu ye de 10:00 a 15:00 hores, de llunes a vienres, y incluyen serviciu de comedor tamién de baldre, pa quien lo necesite.
La matrícula ye con un orde rigurosu según se vayan apuntando, hasta que s'acaben les places. Van tener preferencia les solicitúes de les persones que tengan dalguna situación especial de les que se señalen nel tercer apartáu de la ficha qu'hai p'apuntase.
En rellenando la solicitú, hai varies posibilidaes pa presentala:
- Nel rexistru en cualquier Oficina d'Asistencia al Rexistru (OAR) de les dos qu'hai, y que tán na Plaza España y nel edificiu “El Foco” de Villalegre, o al traviés de cualquiera de les formes previstes nel artículu 16.4 de la Llei 39/2015 de 1 d'ochobre, del Procedimientu Alministrativu Común de les Alministraciones Públiques.
- Na Sede Electrónica del Conceyu d'Avilés. (https://sedeelectronica.aviles.es/)
Los plazos p'apuntase pa los cuatro turnos de CUJA (xunetu 2022) son dende'l 1 de xunu hasta 2 díes llaborables enantes de qu'entame'l turnu pal que se fai la matrícula. Nun tienen la consideración de díes llaborables los sábados, domingos y festivos llocales, autonómicos, o nacionales.
El programa municipal ta coordinaáu y organizaáu pol Servicio de Mocedá del Conceyu d'Avilés. Pa poder facelu tien profesionales del ámbitu sociocultural, educativu, deportivu. El serviciu de comedor atiéndelu'l personal monitor/cuidador. toles actividaes tienen un seguru escolar.
Nel casu de que'l númberu total de persones apuntaes a l'actividá seya menos de 10, el Conceyu d'Avilés resérvase'l derechu a la so anulación.
- Personas y Bienestar