Contacto

El Conceyu d'Avilés -per aciu de la Fundación Deportiva Municipal (FDM)- va repartir 535.000 euros en subvenciones pa desenvolver proyeutos deportivos d'interés públicu na ciudá. La convocatoria d'ayudes publícase güei nel Boletín Oficial del Principáu d'Asturies (BOPA) y el plazu pa presentar les solicitúes entama mañana xueves 9 de xunu y termina'l día 29, miércoles. 

Esta convocatoria de subvenciones faise pa puxar pol deporte, dientro'l marcu de la competencia de la promoción del deporte desenvolviendo proyeutos deportivos nel conceyu d'Avilés, completando asina les actividaes que vien desendolcando la FDM, contribuyendo tamién a pagar los gastos derivaos d'ellos. 

Podrán beneficiase d'ellos clubs, asociaciones, federaciones y otres entidaes deportives que nun pretenden enriquecese y que cumplan los requisitos xenerales llantaos na Ordenanza Xeneral del Conceyu de Subvenciones. 

• Desenvolver el proyeutu deportivu pal que se pide la subvención nel territoriu del Conceyu d'Avilés. (Debidamente xustificáu, si ye n'otra instalación de la contorna).
• Tar llegalmente constituida conforme a la normativa en vigor y debidamente apuntaes nel Rexistru d'Entidaes Deportives del Principáu d'Asturies, o nel rexistru de la Comunidá Autónoma que-y toque, como clubs deportivos básicos, clubs d'entidaes non deportives y/o federaciones deportives.
• Tar apuntada como tien que ser nel Rexistru d'Asociaciones del Conceyu d'Avilés, comunicando la so actualización tolos años a esi Rexistru nel plazu que se llante pa ello.  En casu de que seya un entidá de fuera d'Avilés, nun tendrá que cumplir esti requisitu. 
• En casu de que l'actividá pa la que se pide subvención tenga rellación direuta con menores, tendrán qu'acreditar que nenguna de les persones d'esa entidá, que mantengan contautu normalmente con estos, tengan antecedentes por delitos de naturaleza sexual.
• Nun deber nada al Conceyu d'Avilés y/o de los sos órganos autónomos por cualquier tipu de deuda de derechu públicu.
• Tener xustificáu en tiempu y forma, les subvenciones municipales recibíes n'exercicios anteriores.
• Tener estructura y capacidá abondo pa garantizar la xestión de la subvención.
• Tener fecha  l¡actividá deportiva un añu enantes al de la convocatoria, como entidá deportiva con domiciliu social y fiscal nel Conceyu d'Avilés.

Tola información de la convocatoria, documentación a aportar y llexislación ta disponible na Sede Electrónica municipal (https://sedeelectronica.aviles.es, nel apartáu Publicaciones>Subvenciones>Área de Deportes), vía pela que tendrá que facese'l procesu de solicitú de les ayudes.

Nesta convocatoria podrán solicitase subvenciones al traviés de dos llinies d'actuación:

• Llinia 1.- Desendolcu y xestión d'actividaes deportives de temporada. (462.000 €)
• Llinia 2.- Organización d'eventos deportivos. (73.000 €)

Enllaz direutu al trámite:

https://sedeelectronica.aviles.es/PublicacionTabs.aspx?tab=12&id=16690&t=S&x=h2juH0hjbt9gdImwzZXv+Q