Contacto

El Bosque Comestible recuperó tola so bayura  al llegar la primavera. Por eso, esti ye'l momentu afayadizu pa que tola familia faiga  actividaes al aire. Tolos miércoles de 18:00 a 20:00 hores faense xeres de mantenimientu con toles persones que s'averen a esti espaciu verde pa pasalo bien un bon cachu. 

Pa disfrutar de les güertes abiertes nun ye necesario apuntase primero, pero si que se recomienda llevar ropa cómodo y zapatos que nun calen. Y, por supuesto, tener gana de manchase les manes y socializar con otres persones mientres se va cuidando del espaciu. 

El Bosque Comestible ta nun espaciu municipal na cai José Cueto, tres de la Escuela Idiomes. Ye un espaciu abiertu pa toles persones qu'echen de menos el contautu cola natura. Nació nel iviernu de 2011, cuando un grupu de persones voluntaries entamó una riestra talleres p'afayar un espaciu verde nel centru d'Avilés pa que la comunidá avilesina se decate de lo importante que ye y de les posibilidaes que tien llantar árboles y plantes perennes nun terrenu públicu y concienciar y responsabilizar a tol mundu del entornu urbanu.