Cartel de Cine forum

Trátase d'un ciclu de baldre (con entrada llibre hasta completar aforu), col que se quier ufrir a los y les espectadores temes rellacionaos col análisis de la perspeutiva de xéneru de la nuestra sociedá. Toles proyeiciones sedrán na  Sala Polivalente de la Casa la Cultura, a les 18.00 hores.

Cada sesión dura unes dos hores aprosimadamente, nes que, amás de ver les películes, la historiadora l'arte Patricia Pérez, de la empresa cultural Cuéntame un Cuadro, falará un poco enantes de cáuna d'elles.

Programación

• Xueves 23 de xineru

Camille Claudel 1915 (Francia 2013) (90')

Ficha téunica

Direición: Bruno Dumont

Guión: Bruno Dumont

Retratos: Guillaume Deffontaines

Xéneru: Drama. Basáu en fechos reales. Años 1910-1919

Repartu: Juliette Binoche, Jean-Luc Vincent, Robert Leroy, Emmanuel Kauffman, Marion Keller

Resume

En 1915, la familia de Camille Claudel (Juliette Binoche) métela nun manicomiu pal sur de Francia. Yá nun va volver a esculpir, pero espera siempre la visita del so hermanu, l'escritor Paul Claudel. Rodóse nun manicomiu,  onde Binoche actuó rodeada de persones enfermes con  problemes de cabeza.

Premios

2013 Festival de Berlín: Seición oficial llargometraxes a concursu

2013 Festival de Sevilla: Seición oficial a concursu

• Xueves 20 de febreru

María Montessori (Francia 2023) (96')

Ficha téunica

Direición: Léa Todorov

Guion: Léa Todorov, Catherine Paillé

Retratu: Sebastien Goepfert

Xéneru: Drama. Biográficu. Años 1900. Enseñanza. Discapacidá

Resume

París, añu 1900. Lili d'Alency ye una cortesa mui conocíu qu'escuende un secretu. La so fía Tina nació con una discapacidá y nun la tien con ella pa poder protexer la so carrera y el so renome. Pero'l día que la tien que cuidar, decide marchar pa Roma pa entamar una vida nueva. Ellí conoz a María Montessori, una médica que ta desndolcando un métodu educativu pa trabayar colos nomaos "neños deficientes" qu'en pasando los años va ser una de les pedagoxíes más valoraes en tol mundu: el "Métodu Montessori". 

• Xueves 27 de marzu

Persépolis (Francia 2007) (95')

Ficha téunica

Direición: Marjane Satrapi, Vincent Paronnaud

Guion: Marjane Satrapi, Vincent Paronnaud.

Música: Olivier Bernet

Xéneru: Animación. Drama. Animación p'adultos. Biográficu. Feminismu. Relixón

Resume

Basada nel cómic de la Premiu Princesa d'Asturies 2024 de Comunición y Humanidaes, Mariane Satrapi. "Persépolis" cuenta la historia d'una neña iraní dende la revolución islámica hasta agora. Cuando los fundamentalistes garren el poder, obligando a les muyeres a llevar velu y metiendo na cárcel a miles de persones. Al empar hai una guerra ente Irak y Irán, Marjane descubre'l punk, ABBA y Iron Maiden. Al llegar a la adolescencia, el padre y la madre mándenla pa Europa, onde conoz otra cultura que nun tien nada que ver cola del so país. La protagonista adáutase bien a la so nueva forma de vida, pero nun aguanta tar sola y vuelve cola familia, anque tenga de llevar velu y sometése a una sociedá tiránica.  

Premios

2008. Nominaciones a los BAFTA: Meyor película de fala non inglesa y animación

2007: Nominada al Oscar: Meyor llargometraxe d'animación

2007: Nominada al Globu d'Oru: Meyor película de fala non inglesa

2007: Festival de Cannes: Premiu del xuráu (ex-aequo)

2007: Premios Cesar: Meyor ópera prima, guion adautáu. 6 nominaciones

2007: National Board of Review: premiu a la llibertá d'espresión

• Xueves 24 d'abril

Paula (Alemania 2016) (123')

Ficha téunica

Direición: Christian Schwochow

Guion: Stefan Kolditz, Stephan Suschke

Retratos: Frank Lamm

Música: Jean Rondeau

Xéneru: Drama. Años 1900. Pintura. Biográficu

Repartu: Carla Juri, Albrecht Schuch, Roxane Duran, Joel Basman, Staley Weber

Resume

Alemania al entamu del sieglu XX. L'artista moza Paula Becker ta decidia a siguir les sos propies normes. A los sos 24 años refuga les normes llantaes y afonda nun estilu únicu. Al empar ta espoxigando la comunidá artística de Worpswede, onde entama una amistá cola artista Clara Westhoff y el poeta Raine María Rilke. Al casase col pintor Otto Modersohn, cree qu'atopó la so alma ximielga creativa, pero cinco años dedicaos a la vida de casa acaben col espíritu de Paula, asina que decide viaxar sola al París bohemiu, onde s'embarca nun tiempu esperáu y llargu nel que la so imaxinación llega a lo más cimero y intenta autorrealizase. 

 Premios

2016 Premios del Cine Alemán: Meyor diseñu de producción y vestuariu. 4 nominaciones