Contacto

El conceyal de Desarrollu Urbanu y Económicu, Manuel Campa, y el responsable de la oficina de CTIC Centru Teunolóxicu, Francisco Rojo González.

Averar la Intelixencia Artificial (IA) a la empresa pa que pueda aprovechar toles ventaxas ye l'oxetivu del ciclu formativu qu'ufre l'aria de Promoción Económica del Conceyu d'Avilés y que va entamar esti xueves 12 de xunu de 9:00 a 11:30 hores.

La IA yá ta de verdá nes grandes empreses y, dientro d'esi llabor de siguíota acompañar a les empreses llariegues y facilitar iniciatives que contribuyan al so  crecimientu y sostenibilidá, esti ciclu que se va centrar sobre too na nomada Intelixencia Artificial xenerativa, pretende que, dende la identificación de les sos necesidaes, emprendedores y empreses medianes y pequeñes puedan incorporar a la so actividá ferramienta pa que los procesos vayan más rápido, automatizar xeres o meyorar les ventes.

El ciclu estructúrase según esti calendariu y conteníu:

• Xueves 12 de xunu
  •  Cómo usar la IA pa tratar los documentos qu'uses nel to  negociu (cómo clasificar, llimpiar, analizar, sacar, ...)
• Xueves 10 de xunetu.
  • Cómo usar la IA pa presupuestar (cómo planificar, xestionar, contabilizar)
• Xueves 11 de setiembre
  • Cómo usar la IA pa controlar el to  negociu (cómo automatizar inspecciones, controlar procesos, xestionar inventarios, ...)
• Xueves 9 d'ochobre
  • Cómo usar la IA pa vender más (cómo meter  asistentes virtuales, esbillar audiencies, mandar de manera automatizada, ...)

En cada sesión trataráse d'aplicar la ferramienta de la intelixencia artificial nun bloque temáticu concretu, asoleyando les posibilidaes qu'hai pa usar les ferramientes qu'hai de baldre, pero tamién esplicando les posibilidaes de versiones Premium. Amás, pa terminar plantegaráse un casu práuticu que resuelva un problema concretu de la empresa usando les ferramientes que se proponen.

Toles sesiones sedrán presenciales nel Centru d'Empreses de La Curtidora y van emitise en streaming, polo que quedarán grabaes  pa que les persones que nun puedan dir esi día les tengan disponibles, facilitando vídiu y el material de soporte usáu na presentación.

La participación nestes sesiones ye de baldre,  pero primero hai d'apuntase calcando nos   enllaces que tán preaparaos pa ello nel portal web de La Curtidora, n'axenda.

https://www.curtidora.com/actividades/