Ayuda
La Conceyalía de Participación Ciudadana acaba d'axudicar un contratu de 18.029 euros a una axencia de viaxes pa la organización de dos escursiones pa persones mayores en riesgu de soledá nun deseada. Sedrán los sábados 22 y 29 d payares.
Dende'l Serviciu de Participación yá hubo varios aconceyamientos con asociaciones vecinales, la última'l día 15 d'ochobre, pa poder escoyer a les persones beneficiaries. Les asociaciones vecinales implicáronse na iniciativa, porque son les que conocen bien lo que pasa onde viven y tán dientro de la estratexa na que dende'l Conceyu d'Avilés se ta trabayando pa lluchar escontra la soledá nun deseada de les persones mayores.
Cola axudicación d'esti contratu entama'l procesu col que se-yos dan a les entidaes vecinales más de 220 places pa escursiones d'un día que se van facer en payares. Les escursiones incluirán l'autobús, guía acompañante, y comida, aparte de los seguros necesarios.
Les entidades que presentaron ufirta pa esi contratu plantegaben varios itinerarios, cola condición de que tuvieren adautaos pa persones mayores. Escoyóse d'ente toos ellos una escursión a Cantabria qu'inclui la visita a Santoña, Santillana del Mar y Santander. La primer parada va aprovechase pa visitar una conservera y ver el procesu d'ellaboración de les sos famoses anchoes.
Pa les demás feches abriráse'l procesu p'apuntase. El plazu p'apuntase va abrise estos díes, encargándose d'ello les asociaciones vecinales que conocen mui bien y tán mui cerca de les persones que viven nel barriu.
Como yá se comentara na reunión de Participación Ciudadana coles asociaciones vecinales, si hai munches persones apuntaes, más que places primero van ser pa les persones que viven soles. Y esto hai de ponelo na fueya de solicitú.Si sigue habiendo más solicitúes que places, l'orden d'inscripción decídese con un sortéu.
L'oxetivu ye averar, con actividaes d'ociu, a les persones en riesgu de soledá nun deseada a otros programes municipales que s'organicen dende diferentes servicios municipales.
- Participa