Avilés ta dende'l 2000 de la Rede Estatal de Ciudaes Educadores, y ente otros motivos, por iniciatives que xunten y movilicen al texíu municipal en beneficiu de los centros educativos. Como supón l'exemplu de les hasta 34 actividaes complementaries, totalmente de baldre, que se-yos ufierta dende'l Conceyu de cara al cursu 2023-2024.
Separaes en dos catálogos, ente actividaes Monográfiques y actividaes Complementaries, tán dientro de diez aries diferentes de conocimientu, y llévense a cabu por entidaes collaboradores, asociaciones y otros servicios del Conceyu d'Avilés. Son visites, talleres cursos, hermanamientos, esposiciones...
Les aries son éstes: Mediu Ambiente y Consumu, Cultura, Espresión Artística, Vida Saludable y Deporte, Solidaridá y Ciudadanía, Conciliación y Corresponsabilidá, Otres llingües y cultures, Igualdá d'Oportunidaes, el Nuestru Entornu y Cultura Emprendedora.
Siempre dende un puntu de vista pedagóxicu, una proposición integradora, d'educación en valores, qu'enriquez y refuerza diferentes proyeutos de los centros públicos y concertaos, d'Infantil, Primaria, Secundaria, FP y la Escuela Oficial d'Idiomes.
Fadránse pela mañana y, ente otres cuestiones, afayen que l'alumnáu conoza de primera mano los servicios y recursos que tien el Conceyu, como pueden ser les visites a la Casa Conceyu, la Policía Llocal o'l Parque Bomberos.
Ufiertaes a lo último'l cursu anterior, pa que puedan entamar a organizales y programales nel so calendariu escolar. La información de los catálogos mandóse a los centros, igual que'l modelu de solicitú.
Esta ye la llista d'actividaes complementaries :
- Educación vial: ¡Dprende a movete!
- Muséu de la Historia Urbana d'Avilés
- Esposición fotográfica Sahara
- Programa d'educación sexual "Deprendiendo a entendenos"
- 8 de marzu: Día Internacional de la Muyer
- Visita a la Policía Local
- Visites a la carta
- 25 de payares: Día Internacional de la eliminación de la violencia escontra la muyer
- Otra forma de consumir...¡Ye posible!
- Consumópolis 19: "Xúnete a la enerxía responsable"
- Visita teatralizada pel parque Ferrera
- Taller mundu solidariu
- Taller "Voluntá y... lo que te diferencia - 2023"
- Formes de vistir, maneres de vivir
- Talleres de RCP
- Campaña de sensibilización "Da-y valor a la diferencia"
- Taller escolar sobre l'agua: "Aqualoxía"
- Aula del agua ETAP de La Lleda
- Día Internacional escontra la explotación sexual y el tráficu de muyeres, neñes y neños
- Taller de primeros auxilios básicos
- Campaña de sensibilización del procesu de la donación de sangre
- Visita al Centru Comunitariu de Sangre y Texíos d'Asturies
- Visita al Parque Municipal de Bomberos d'Avilés
- Educando n'igualdá y bon tratu
- Espaciu Portus y CI sistema cañones submarinos d'Avilés
- Espacios Sostenibles
Esta ye la llista d'actividaes monográfiques :
- Coliséu escolar: Abilius polis
- En vacaciones cola T.I.A., talleres infantiles d'Avilés
- XX Foru Solidariu d'Avilés
- Hermanamientu solidariu escolar col Sahara
- Intercambiu con San Agustín de la Florida
- Talleres creativos en llingua asturiana
- Concursu de carteles 25N Día Internacional escontra la violencia de xéneru
- Educación