Contacto

El primer fin de selmana de les vacaciones veraniegues ye'l puntu de partida nel que munches families entamen a organizar el so branu y, por eso, la Conceyalía de Turismu del Conceyu d'Avilés, en collaboración cola empresa cultural "Cuéntame un cuadro", entamaron l'I Festival d'Ociu en Familia d'Avilés 'Familiart'. La programación presentáronal güei pela mañana la conceyala de Turismu y Mocedá, Raquel Ruiz, y Patricia Pérez, de Cuéntame un Cuadro'.

Pal sábadu 25 y el domingu 26 de xunu propón un fin de selmana curiosu, con un programa qu'inclúi unes actividaes culturales para disfrutales en familia, independientemente de la edá de los pequeños y les pequeñes.

Como vien siendo n'Avilés, el filu conductor de les xornaes va ser l'Arte, que podrá disfrutase en forma de teatru en familia, talleres, música, y hasta devorar coles Meriendes con Arte. Una ocasión pa pasalo bien col arte y en familia.

Cuatro actividaes pa dos díes, una pela mañana y otra pela tarde, que van tener llugar en distintos espacios d'Avilés: Palaciu de Maqua, plaza de Camposagrado, Muséu de la Historia Urbana d'Avilés y el xardín urbanu del Hotel Palaciu d'Avilés. Les propuestes tán planiaes en función de les edaes de neños y neñes,  de forma qu'hai talleres pa piquiñinos y piquiñines de 0 a 3 años y tamién de 3 a 6 años.

Les places son llimitaes y les families interesaes -esceuto'l teatru de la plaza Camposagrado- tendrán qu'apuntase primero na Oficina de Turismu (C/ Ruiz Gómez, 21), teléfonu  985 54 43 25 o per corréu electrónicu en:  turismo@aviles.es

Programación completa

Sábadu 25

• 12.00 a 13.00 hores. "ExperimentArte". Taller d'esperimentación artística.

Edaes: Families con neños y neñes de 3 a 6 años.

Places: 20 

P'apuntase: sólo una persona adulta por cada neñu o neña o por cada dos, pa dar prioridá a neños y neñes.

Sitiu: Espaciu Maqualab del Palaciu de Maqua (C/ La Cámara, 23).

• 19:30 a 20:15 hores. "Van Gogh, el pintor de la nueche". Una obra de teatru familiar, con música y pintura en vivu, na que'l mesmu Vincent Van Gogh viaxa nel tiempu para contanos tolos secretos de la so pintura.

Edaes: Families con neños y neñes a partir de 5 años.

Places: Entrada llibre ensin apuntase enantes.

Sitiu: Plaza de Camposagrado (En casu de que llueva, n'Antigua Pescadería).
 

Domingu 26

• 12.00 a 13.00 hores. "Música en familia". Taller d'estimulación musical temprana.

Edaes: Families con neños y neñes de 0 a 3 años.

Places: 20 

P'apuntase: Sólo una persona adulta por cada neñu o neña o por cada dos,  pa dar prioridá a neños y neñes.

Sitiu: Muséu de la Historia Urbana d'Avilés (MHUA. C/La Ferrería, 35)

• 18:00 a 19:00 hores. "MerendArte". Cuentacuadros pa descubrir los secretos qu'escuende la obra d'una gran artista llamada Rosa Bonheur quien decidió convertir a los animales en protagonistes de la so pintura.  

En conociendo los secretos d'esta obra, habrá una merienda inspirada na obra de Rosa Bonheur.

Edaes: Families con neños y neñes a partir de 5 años.

Places: 30 persones.

P'apuntase: Sólo una persona adulta por cada neñu o neña o por cada dos, pa da-yos prioridá a los neños y les neñes.

Sitiu: Xardín urbanu del Hotel Palaciu d'Avilés.