Ayuda
Cultura
El Conciertu de Primavera de la Banda de Música d'Avilés va ser nel quioscu de la música del parque Ferrera
18 may. 2022
El domingu 22 de mayu a les 12.30 hores, col estrenu del so direutor nuevu, Xuacu Llaneza. El repertoriu sedrá variáu y percorrerá varios xéneros musicales, dende zarzuela hasta música pop.
El quioscu de la música del parque Ferrera sedrá testigu, otru añu más, del Conciertu de Primavera que la Banda de Música d'Avilés va dar el domingu que vien, día 22 de mayu a les 12:30 hores de baldre.
Unos 30 músicos van tar mui atentos a la batuta del so direutor nuevu, Xuacu Llaneza, que ye quien dirixe la banda dende Navidá y que s'estrena nesti tipu de conciertos nos parques avilesinos.
El repertoriu ye variáu y percorrerá varios xéneros musicales: zarzuela, una obra clásica que nun puede faltar en nengún repertoriu bandísticu, bandes sonores y música pop. Les seis canciones que van interpretar son estes:
- Mesopotamia
- Alma de Dios
- Mambos de Pérez Prado
- James Bond
- Michel Jackson Mix
- Fiesta de las trompetes
- Cultura