El Conservatoriu Municipal Julián Orbón ofrez un taller pa que neños y neñes entamen a metese pela música. Ye un cursu que se fai enantes d'entrar na enseñanza reglada de música que ye a los 8 años. Por eso, ye un requisitu indispensable qu'alumnos y alumnes nacieren en 2015. .
La matrícula cuesta 145 euros, aplicando les bonificaciones que fueren posibles, según la ordenanza municipal. Ye una hora a la selmana de clases ente'l mes d'ochobre y mayu.
El orden de inscripción determinará el derecho de admisión al taller. Dende'l martes 6 hasta'l vienres 16 de setiembre ábrese'l plazu p'apuntase primero. Padres, madres, tuores llegales o les persones que tienen la guarda y custodia del menor o de la menor pueden presentar la solicitú de forma telemática na Sede Electrónica (https://sedelectronica.aviles.es/Convocatorias)
Los obxetivos que se quieren algamar con esti taller son:
- Fomentar el gustu pola música.
- Reconocer les cualidaes del sonidu.
- Usar la voz como mediu d'espresión y comunicación.
- Algamar coordinación motriz cola música y el movimientu.
- Conocer los instrumentos musicales.
- Orientar preferencies pa poder escoyer nel futuru un instrumentu.
Los conteníos básicos sedrán éstos:
- Espresión corporal.
- La espresión vocal.
- Audición musical.
- Instrumentos musicales.
- El ritmu.
- Les cualidaes del soníu.
- Improvisación musical.
- Cultura