Ayuda
El coru infantil Ánima Voices, fundáu hai un pocu más d'un añu nel occidente d'Asturies, busca n'Avilés talentu musical y artísticu col qu'afitar les sos files. Poo, organizó un "casting" na ciudá nel que pueden participar neñes y neños de
Esta iniciativa presentóla güei pela mañana Yolanda Alonso, conceyala de Cultura d'Avilés, acompañada por Chema García, direutor del coru. El plazu p'apuntase ta abiertu na web del coru, www.animavoices.com
Alonso animó "a les neñes y neños d'Avilés, una ciudá a que la tradición coral forma parte de la so identidá, a participar na esbilla y tratar d'algamar un sitiu nesta formación tan innovadora. Sé que lo van disfrutar".
Como dicen los responsables d'Ánima Voices, "si te presta muncho cantar y baillar, y suañes con participar n'espectáculos en vivo, grabaciones y rodaxes, nun duldes n'apuntyate al "casting". Vive la esperiencia de ta dientro d'una familia musical única".
El coru, dirixíu por Chema García, en sólo un añu de vida dexó la so güella nel ámbitu llocal y internacional, convirtiéndose na primer agrupación española en participar nel mayor eventu coral del mundu, nel O2 Arena de Londres.
El so espoxigue diose poles versiones tan impactantes de temes populares que tán conquistando miles de siguidores en diferentes países. El vidiu d'una de les sos versiones más prestosa de "Llucha de Xigantes" algama yá los tres millones de reproducciones nes diferentes plataformes y redes sociales.
Esti coru tan especial ñació col oxetivu de puxar y desendolcar el talentu musical y artísticu de los sos integrantes per aciu d'una esperiencia artística real y conectada a los tiempos actuales, y qu'agora quieren llegar cola so actividá hasta'l centru d'Asturies.
El direutor artísticu del proyeutu, Chema García, indica que la "propuesta artística fecha con tantu procuru y l'enfoque profesional" tán ayudando al "afitamientu rápidu que ta teniendo'l coru": "Ye un sofitu pa enriquecer y da-y vida a la cultura asturiana".
- Cultura