Contacto

Factoría Sound va acoyer nel so escenariu a la banda The Steepwater que vuelve de viaxe per España tres la so última visita pel país en 2017. El cuartetu va tocar esti vienres 27 de mayu a les 21.00 hores en La Factoría Cultural.

Les entraes tán a la venta nes canales de siempre, la taquilla de la Casa la Cultura y la web https://entraes.liberbank.es/palaciovaldes, a un preciu de 10 euros (12 el día de l'actuación).

Nacía en 1998 y compuesta por 4 integrantes, la banda escueye como nome del grupu'l nome d'un barcu fondiáu nel puertu del Llagu Michigan. Mozos de barriu qu'empiecen rindiendo homenaxe a los clásicos del blues por amor a la música, ensin nenguna pretensión más que compartir nun garaxe y tocar, mano a mano, colos primeros Aerosmith, Bad company y otros almiradores de la fantasía colectiva del rock n'roll.

El so soníu afonda una identidá propia y personal, potenciando la melodía ensin abandonar la base blues y la pasión pol rock clásicu de los setenta. Esa ye una fórmula que los llevó a compartir escenariu con Doobie Brother, Lynyrd Skynyrd, Cheap Trick, Gov't Mule o Blackberry Smoke.

Nel 2020 los y les sos almiradores teníen una cita con ellos nel Azkena Rock Festival, pero foi l'añu nel que'l mundu dio una vuelta de 180 graos y la música en direutu terminóse munchu tiempu,  convirtiéndose l'últimu alcuentru con The Steepwater Band (nel añu 2017) nuna esperiencia bien alloñada nel tiempu.

La so xira va centrase nel so álbum actual Turn of the Wheel anque van llanzar un nuevu álbum esti mes de mayu que va ser una pieza complementaria d'esti postreru. Amás, como novedá, podrá vese per primer vegada n'aición al baxista Joe Bishop, con quien lleven viaxando nos últimos tiempos.