Ayuda
Dende Avilés, les salides pa la playa gozoniega sedrán cada dos hores (a les 8:00, 10:00, 12:00, 14:00, 16:00, 18:00 y 20:00 h.) dende la Estación d'Autobuses, con estes parades: parque del Muelle, cai Llano Ponte, ponte Azud, Parque Empresarial PEPA, La Palmera, Les Canteres, Parque Lobos-Edersa, L'Estrellín, Endasa-Alcoa, Barracón, Zeluán, Polígonu Industrial de Maqua, Maqua, San Xuan y Xagó.
Dende Xagó, les salides p'Avilés tamién sedrán cada dos hores (a les 8:30, 10:30, 12:30, 14:30, 16:30, 18:30 y 20:30 h.), coles mesmes paraes en sentidu contrariu.
La ruta tá incluyida dientro les ventaxes de la plataforma de movilidá CONECTA, que permite movese per toa Asturies ensin límite de viaxes por 30 euros al mes. El preciu del billete cenciellu ye de 1,55 €, que se reduz hasta los 0,45 € nel casu caso de quien viaxe usando la tarxeta CONECTA.
El Gobiernu d'Asturies tamién anunció que van aumentar les frecuencies de la llinia que conecta Avilés con Lluanco per Vioño.
- Medioambiente, Movilidad y Transporte