Contacto

El Conceyu d'Avilés, per aciu de los sos Servicios sociales, convoca les ayudes pal tresporte pa persones retiraes y pensionistes del Conceyu pal añu 2024. El plazu pa solicitales abriráse güei llunes 5 d'agostu y pesllará'l vienres 26 del mesmu mes. en 2023 recibieron estes ayudes 280 persones. 

El presupuestu pa ello ye de 20.000 euros. La subvención fadráse de forma automática cola tarxeta CONECTA que tien cada persona, polo que seya l'ayuda que se-y concediere. Si nun se tien esta tarxeta podrá solicitase n'aplicación CTA CONECTA. 

Cada beneficiariu podrá recibir una subvención de 90 euros como muncho cola recarga d'una tarxeta CONECTA col importe que-y concedieron. A aquelles persones que soliciten la prórroga de la tarxeta que yá tienen complementáráse-yos el saldu que tengan nesi momentu hasta un total de 90 euros. 

Les solicitúes podrán presentase en:

•  Rexistru Electrónicu del Conceyu d'Avilés (https://sedeelectronica.aviles.es)
• Oficina d'Atención al Rexistru, Plaza España nº 1,
• Oficina d'Atención en Materia de Rexistru d'El Foco.
• Oficina d'Atención en Materia de Rexistru del Edificiu Fueru d'Avilés.
• Centru de Servicios Sociales , 1 “El Foco”- C/ Santa Apolonia, 126
• Centru de Servicios Sociales , 2 “ La Palmera” - C/ Hermanos Espolita, 10
• Centru de Servicios Sociales , 3 “L'Arbolón” - Avda. de Gijón, 3
• Centru de Servicios Sociales , 4 “Xardín de Cantos” - Marcos Del Torniello, 34

Requisitos básicos

• Tar empadronáu o empadronada Nel Conceyu d'Avilés
• Tener más de 60 años
• Ser pensionista de retiru del Sistema Públicu de Pensiones o home/muyer/pareya estable de la persona pensionista (considérase tamién a les persones beneficiaries de la prestación de Salariu Social Básicu, pensión compensatoria o Ingresu Mínimu Vital).  
• Que los ingresos netos s'axusten a esti baremu económicu:
  • 1 miembru: 845 € netos mensuales como muncho.
  • 2 miembros: 1.031 € netos mensuales como muncho.

La información completa p'algamar  la subvención puede consultase na convocatoria que ta nel Tablón d'anuncios municipal, en cualquiera de les zones de Servicios Sociales enantes nomaes, y na web del conceyu,  dende esti enllaz direutu: https://sedeelectronica.aviles.es/DetalleTablon.aspx?id=19698.