Yá tán disponibles na sede electrónica del Conceyu d'Avilés (https://sedeelectronica.aviles.es/) les bases y el modelu de solicitú pa la matriculación del cursu 2025-2026 nes 92 places ufiertaes nes Escueles de Primer Ciclu d'Educación Infantil, de 0-3 años, dependientes del Conceyu d'Avilés: La Madalena, La Toba y El Quirinal. El plazu de presentación de solicitúes entamará'l 21 d'abril y hasta'l 6 de mayu, pudiendo facese lo msmo de forma telemática como presencial.

El 2 de xunu  publicaránse les llistes provisionales colos/es almitíos/es en primera opción y non almitíos/es y  abriráse'l plazu d'alegaciones hasta'l 6 de xunu.

El 13 de xunu van publicase les llistes definitives d'almitíos/es y llistes d'espera, debiendo facese la matriculación ente'l 14 y el 25 de xunu.

Podrán solicitar plaza nes Escuelines d'Avilés los padres, madres o tutores/as llegales neños y neñes menores de tres años, o que puedan ñacer esti añu y vivan nel conceyu o acrediten tener nel mesmu sitiu de trabayu normal. Pa tener una plaza ye requisitu indispensable que se tengan cumplíos los 3 meses d'edá a 1 de setiembre de 2025.

La solicitú fadráse nel modelu normalizaáu que se podrá tener na nomada cita https://sedeelectronica.aviles.es/Convocatorias, calcando na convocatoria "SOLICITÚ ALMISION ESCUELES PRIMER CICLU D'EDUCACION INFANTIL. CURSU 2025-2026", pestaña "Documentación a aportar". En rellenando la solicitú puede presentase,  cola documentación solicitada nes bases, de dos formes diferentes:

Electrónica:

Dende https://sedeelectronica.aviles.es/Convocatorias, calcando na convocatoria

"SOLICITÚ ALMISION ESCUELES PRIMER CICLU D'EDUCACION INFANTIL. CURSU 2025-2026"

Presencial:

• na Oficina d'Asistencia en Materia de Rexistru (OAR) del Conceyu d'Avilés que ta na Plaza  España, 1.
• Edificiu de Servicios Municipales “El Foco” (C/Santa Apolonia, 126. Villalegre)
• Edificiu "El Fuero" (C/Fernando Morán, 26). Imprescindible cita previa
• En cualquier otru rexistru válidu según l'artículu 16.4 de la Llei 39/2015 del Procedimientu Alministrativu Común de les Alministraciones Públiques.

Les solicitúes non almitíes pasarán a formar parte d'una llista d'espera que va tar en vigor hasta la siguiente convocatoria.

Los/es bebés nonatos/es apaecerán na llista espera hasta que nazan, ensin baremar. Si dalguna de les persones solicitantes que tán na llista d'almitíes nun tuviere los años mínimos pa entrar na Escuela, esto ye, los 3 meses d'edá, al entamar el cursu, la solicitú pasará a la llista espera ocupando el sitiu que-y corresponda según la puntuación algamada.

La reserva de matrícula sedrá como muncho de dos meses, a contar dende que se cumpla la edá mínima pa entrar nes Escueles de 0-3. En pasando esi tiempu, tendrán d'incorporase a la so plaza o renunciar a ella.

Places disponibles

Pal cursu 2025/2026 les places llibres pa cada Escuela Municipal de Primer Ciclu d'Educación Infantil son éstes:

EEI. Quirinal. 46 places

• Etapa 0-1 añu: 16 places
• Etapa 1-2 años: 15 places
• Etapa 2-3 años: 15 places

EEI. La Madalena. 18 places

• Etapa 0-1 añu: 8 places
• Etapa 1-2 años: 5 places
• Etapa 2-3 años: 5 places

EEI. La Toba. 28 places

• Etapa 0-1 añu: 8 places
• Etapa 1-2 años: 10 places
• Etapa 2-3 años: 10 places