El Plenariu de los Conseyos de Zona aconcéyase güei pela tarde, a partir de les 18:00 hores, p'analizar el dictamen que'l personal téunicu municipal fizo de les 64 propuestes plantegaes al presupuestu de 2023, dientro'l procesu abiertu ente'l 14 de marzu y el 20 d'abril.
La sesión sedrá nel salón d'actos del Palaciu de Valdecarzana con participación de l'alcaldesa Mariví Monteserín y el conceyal de Participación Ciudadana, Jorge Luis Suárez; magar que'l formatu ye presencial, afayóse una conexión telemática per aciu de la plataforma Teams pa les persones que nun puedan dir en persona.
Los Conseyos de Zona xúntense en plenariu cuando los temes a tratar son de la ciudá o tamien cuando hai que llegar a un alcuerdu sobre cuestiones comunes a les cuatro zones y non específicamente a caúna de les aries d'influyencia.
Na sesión de güei va dase cuenta del llabor que fizo'l personal téunicu municipal pa determinar si ye posible llevar a cabu caúna de les 64 propuestes plantegaes al Presupuestu de 2023. El cuadru que recueye estes valoraciones téuniques puede consultase nel apartáu "Aportación a presupuestos" de la web avilesparticipa.org.
Van debatise los resultaos y revisase cómo sigue'l procesu pa que, nos meses que vienen, cada Conseyu de Zona pueda avanzar nes propuestes específiques del so ámbitu d'actuación, tratando les midíes que consideren prioritaries.
Otros asuntos
Amás d'esti puntu va falase tamién de les xornaes de participación a les que dan puxu los propios Conseyos de zona, programaes pal primer semestre del añu y que, por cuestiones d'organización, tuvieron que dexase pa la segunda metá del añu.
- Participa