Contacto

Ya ta abiertu'l plazu p'apuntase na segunda fase del programa Comerciu Verde Asturies, una iniciativa pola  que puxa'l Principaáu d'Asturies y COGERSA, en collaboración col Conceyu d'Avilés, ye pa los comercios pequeños del conceyu que quieren llegar a una xestión más sostenible.

Esti programa que ye de baldre, ofrez a los establecimientos participantes:

• Un diagnósticu ambiental personalizáu
• El cálculu de la so güelga de carbonu
• La definición de propuestes de meyora
• Formación especializada en sostenibilidá
• Acompañamientu téunicu por parte de persones espertes

Amás, a los comercios que se xunan al proyeutu darán-yos un distintivu identificativu pa que lu pongan nos sos llocales, y van tar dientro la Guía de Comerciu Sostenible d'Avilés, que se va esparder ente oganizadores d'eventos, visitantes y otros grupos d'interés. En palabres de la conceyala de Comerciu y Turismu, Raquel Ruiz, "esto va ser bono p'amosase delantre de clientes nuevos, visitantes y organizadores d'eventos que valoren los productos y servicios responsables. Ye una oportunidá pa destacar, pa garrar enfotu y diferenciase”.

Esta iniciativa representa una oportunidá estratéxica pa que los negocios llariegos s'adauten a les esixencies,  normatives y sociales, meyoren la cuestión ambiental y refuercen el so compromisu cola sostenibilidá, lo mesmo delantre los sos clientes como delantre de tola ciudadanía y el turismu que visita la ciudá.

Los comercios pueden apuntase direutamente en enllaz, o consultar cualquier dulda nestes señes: info@comercioverdeasturias.com.

Más información en: www.comercioverdeasturias.com.