Contacto

El V Campus Feminista d'Avilés centrará la so mirada en tolos problemes qu'hai tovía na llucha pola igualdá. Celebraráse del 16 al 19 d'ochobre na Casa la Cultura y na Casa les Muyeres, con un programa integráu por ponencies, películes, visites, monólogos y alcuentros pelos que se van analizar les causes y conscuencies de la pornosoliciación, la presión estética o'l edadismu, ente otres coses. Y van vese histories de muyeres nomaes pola so trayectoria n'ámbitos como l'arte o'l deporte.  

La conceyala d'Igualdá, Lucía Fernández Ron, presentó esti vienres esti eventu que na so quinta edición vuelve a contar cola participación d'espertes nomaes en diferentes campos y qu'apuesta enforma pola coeducación como ferramienta pa tener la igualdá real. Toles muyeres participantes nel V Campus aportarán la so visión y el so conocimientu p'analizar los distintos fenómenos que tovía nesti momentu son un problema grande pa ello.

Yá ta abiertu'l plazu p'apuntase que ye de baldre, que finalizará'l 15 d'ochobre. Pa solicitar plaza nesti V Campus Feminista puede facese diendo a la Casa les Muyeres (C/La Ferrería, 27, de llunes a vienres, de 9 a 14 h.), escribir al corréu electrónicu igualdad@aviles.es o llamar al teléfonu 985 527 546.

El Campus Feminista d'Avilés pensóse como un espaciu d'alcuentru dende'l que se puede intercambiar esperiencies diferentes y dir teniendo cada vegada más conocimientos sobre esti tema y sobre cuestiones que preocupen non sólo a les muyeres, sinón a toles persones interesaes en llevantar una sociedá qu'avance na igualdá. 

Programa del V Campus Feminista d'Avilés

Xueves 16. Casa la Cultura

• 17:00 hores. Entrega de documentación
• 17:15 hores. Inauguración oficial
• 17:30 hores. Presentación y proyeición de la película "La boda de Rosa" cola participación d'Alicia Luna, guionista y Patricia Pérez, direutora de Cuéntame un Cuadro, llicenciada n'Historia l'Arte y coordinadora del cineforum "La Mirada Violeta" impulsáu pola Conceyalía d'Igualdá.

Vienres 17. Casa la Cultura

• 09:00 a 10:00 hores. "Educación sexual, prevenir las consecuencias de la pornosocialización" (actividá pa centros educativos: cursos de 1º y 2º de la ESO). Presenta: Paloma Fernández Llera.
• 10:30 a 11:30 hores. "Educación sexual, prevenir las consecuencias de la pornosocialización" (actividá pa centros educativos: cursos de 3º y 4º de la ESO) Ana Magallanes Camón, pedagoga y esperta en coeducación. Presenta: Paloma Fernández Llera.
• 12:00 a 14:00 hores. Proyeición del documental: Hijas de Cynisca (el deporte femenín fala pola igualdá) y dempués hai un alderique  con Beatriz Carretero, directora y Lucía Carmona, coeducadora. (Actividá pa centros educativos con alumnáu d'ESO, Bachilleratu y Ciclos Formativos de Grau Mediu y Grau Superior de F.P.). Presenta: Paloma Fernández Llera.
• 17:30 a 19:00 hores. Ponencia: "Contra el edadismo: reflexión y empoderamiento", Anna Freixas escritora feminista y doctora en sicoloxía. Presenta: Paloma Fernández Llera.
• 19:30 a 20:30 hores. Visita Teatralizada "Verbenas y Estampas" con Factoría Norte. percorríu pol cascu históricu dende la Casa la Cultura a la Casa les Muyeres cola compañía de Maruja Mallo y otres muyeres avilesines protagonistes de la historia de la villa. Presenta: Paloma Fernández Llera.

Sábadu 18. Casa la Cultura

• 11:00 a 12:15 hores. Ponencia: "El trauma del patriarcado y el hilo morado del feminismo" con Paula Marín sicóloga, formadora y divulgadora. Presenta: Paloma Fernández Llera. Presenta: Paloma Fernández Llera.
• 12:30 a 13:45 hores. Ponencia: "Nuevos retos en las violencias de género: violencia vicaria y violencias sexuales" con Carla Vall i Duran, abogada y criminóloga. Presenta: Paloma Fernández Llera.
• 18:00 a 19:15 hores. Ponencia: "¿Cómo nos afecta la presión estética? Datos y reflexiones sobre el ideal de belleza" con Júlia Salander, politóloga, analista de datos y divulgadora feminista. Presenta: Paloma Fernández Llera.
• 19:30 a 20:30 hores. Monólogu "Soy Hiperactiva" con Pepa Cases, actriz, bailarina y coreógrafa. Presenta: Paloma Fernández Llera.

Domingu 19. La Casa les Muyeres

• 12:00 a 13:30 hores.
  • Alcuentru con Marisa Valle Roso "La igualdad también se canta" presentáu por Sonia Fidalgo, periodista.
  • "Cenicientes" Instalación urbana artística y cultural, homenaxe a les muyeres del carbón (Casa les Muyeres).
• 13:30 horas. Pieslle.