Contacto

Avilés va volver a visitse coles sos meyores gales pal 26 y 27 d'ochobre de 2024 p'acoyer la XXIII edición del Tornéu Internacional de Yudu Villa d'Avilés. Esti añu, tamién, al so nome tradicional dáse-y el de 'Gran Eventu'; una calificación que pon en marcha la Real Federación Española de Yudu y Deportes Asociaos y el conseyu Superior de Deportes (CSD) y que n'España sólo la tienen dos sitios: Avilés y Alicante. 

L'eventu que va movilizar a cerca de 7.000 persones ente yudoques y acompañantes, presentóse güei pela tarde nel Salón de Receiciones del Conceyu d'Avilés nun actu presidíu pola alcladesa Mariví Monteserín y el conceyal de Deportes, David García, xunto al organziador y direutor téunicu de Yudo Club Avilés, Carlos Fernández, y el vicepresidente de la Federación Asturiana de Yudu, José Pajarón. 

Una representación del ámbitu social, deportivu y económicu de la contorna xuntáronse pa conocer los detalles d'un tornéu qu'evoluciona y qu'esti añu estrena canal en Telegram, pa que los  y les competidores nun pierdan detalle de la información de la cita. Amás hai de sumar a too ello como novedá, una pantalla xigante onde se van proyectar los resultaos y pa siguir la retrasmisión en YouTube, apostando polo audiovisual. 

Pa poder siguir medrando y que'l tornéu siga siendo un motor económicu pa la ciudá, preparóse una zona VIP na parte d'enriba del Complexu Deportivu Avilés pa patrocinadores, deportistes, responsables de clubes y autoridaes, ente otros, pa que puedan tener un espaciu propiu. 

No deportivo, la cita del últimu fin de selmana d'ochobre vuelve con un nuevu récord absolutu: 1.900 yudoques tarán n'Avilés, una cifra nunca vista nos 24 años d'historia porque en 2023 fueron 1.800 y 1.650 de 2022. 

Toles comunidaes autónomes amás de países como Portugal, Escocia o Reinu Xuníu vuelven a un tornéu nel que debuten Suecia y Costa Rica. Esti añu ye tovía más especial, porque'l Villa d'Avilés supón el pistoletazu de salida a los actos pol 25 aniversariu del Yudo Club Avilés. La entidá cumple un cuartu de sieglu y, dende'l mes que vien,  preparáronse una riestra eventos y aiciones pa festexar esta fecha. 

Otres actividaes 

Cuéntase cola collaboración de la Cofradía del Colesterol Bueno HDL colos ‘Almuerzos Cardiosaludables’. La cita va ser pal vienres 25 d'ochobre nel Hotel 40 Nudos, dende les nueve  la mañana.

Otra de las propuestes que se mantien, yá dende hai tres años, ye la de les visites guiaes pel cascu históricu de la Villa que son de baldre. Van ser pal sábadu 26 a les 11 de la mañana con puntu d'alcuentru na Oficina de Turismu y hora y media de duración. L'únicu requisitu ye apuntase presencialmente, per corréu electrónicu (turismo@aviles.es) o nel teléfonu na Oficina de Turismu d'Avilés (985 544 325). Amás, habrá un puntu d'información turística nel pabellón con horariu de 17 a 20 hores el vienres y de 10 a 14 hores y de 16 a 18 hores el sábadu.   

Horarios

Vienres 25 d'ochobre

• 16:00-21:00 hores. Pesaxe sub-21 y sub-18 (únicu día de pesaxe) y acreditaciones. Entamen los pesaxes na pista d'atletismu y acreditaciones nel salón d'actos.
• 21:30 hores. Sorteos. Actu de sorteos nel salón d'actos.

Sábadu 26 d'ochobre

• 7:30 hores. Apertura del pabellón.
• 8:00 hores. Entama'l calentamientu.
• 9:00 hores. Eliminatories y repesques categoría Cadete masculina y femenina.
• 15:30 hores (horariu aprosimáu). Bloque final Cadete, al terminar competición categoría sub-21.
• 16:00-20:00 hores. Pesaxe sub-15 na pista d'atletismu.
• 21:00 hores. Sorteos.

Domingo 27 d'ochobre

• 7:30 hores. Apertura del pabellón.
• 9:00 hores. Competición sub-15.
• 11:00 hores. Pesaxe sub-13 por equipos (salón d'actos).
• 14:30 hores (horariu aprosimáu). Al finalizar sub-15, competición Alevín por equipos.