Formación y Empléu
Entama'l cursu "Faciendo Redes", un proyeutu que fomenta'l voluntariáu solidariu ente la mocedá
11 dic. 2022
Tratáranse temes como la inclusión, enteculturalidá, empatía y trabayu pa la mocedá

El serviciu de Mocedá del Conceyu d'Avilés organizó'l cursu "Faciendo Redes", de fomentu del voluntariáu ente les persones moces. Una iniciativa que propón la creación y formación d'un grupu de voluntarios y voluntaries mayores de 18 años qque quieren dedicar el so tiempu d'una forma altruista a la mocedá que tenga menos oportunidaes. 

El cursu, con horariu de 16:00 a 19:30, va facese los díes 12 y 19 d'avientu, y los llunes 9,16 y 23 de xineru nel Edificiu Fuero.  

La conceyala de Raquel Ruiz asistirá a la primera sesión, que ya cuenta con una decena de rapazos y rapaces que quieren participar nesti proyeutu nuevu.

Fabio Meazza, trabayador mozu de la entidá Ye too ponese, mediará'l procesu de conocese ente les persones participantes y dará'l cursu con temes como la inclusión, enteculturalidá, empatía y trabayu pa la mocedá  para coordinar llueu'l desendolcu d'actividaes pal primer semestre del añu.

Toles actividaes tán afitaes na educación non formal y tienen l'envís de que los y les participantes, charrando y enteactuando, algamen les sos propies conclusiones sobre los temes propuestos.

  • Formación y Empleo

También te puede interesar...