Ayuda
El Conceyu d'Avilés convoca les ayudes pal tresporte pa persones retiraes y pensionistes del Conceyu d'Avilés dende
El presupuestu pa esta convocatoria nueva ye de 20.000 euros. El plazu de presentación termina'l 3 d'ochobre.
Cada persona beneficiaria podrá recibir una subvención de 90 euros como muncho recargando la tarxeta col importe que-yos concedieren.
Les persones que tuvieron ayuda nel añu 2021 sólo tendrán que presentar la declaración que ta nel Anexu I de la convocatoria (y l'Anexu II en casu de que se tenga representante).
La tarxeta val pa dir n'autobús, de la zona númberu 2 del Consorciu de Tresporte d'Asturies, o lo que ye lo mesmo, pa los conceyos d'Avilés, Castrillón, Gozón, Corvera y Illas.
La subvención fadráse efeutiva recargando una tarxeta personalizada (con un retratu) polo que seya l'ayuda concedida, descontando lo que cuesta la tarxeta.
Les solicitúes podrán presentase dende'l 13 de sitiembre hasta'l 3 d'ochobre de 2022 en:
- Oficina d'Atención Ciudadana de la plaza España, 1. Con cita previa
- Rexistru Electrónicu (https://sedeelectronica.aviles.es)
- Centru de Servicios Sociales correspondiente, según el domiciliu de la persona solicitante:
- Centru de Servicios Sociales 1 “El Foco”. C/ Santa Apolonia, 126
- Centru de Servicios Sociales 2 “ La Palmera”. C/ Hermanos Espolita, 10
- Centru de Servicios Sociales 3 “L'Arbolón”. Avda. de Gijón, 3
- Centru de Servicios Sociales 4 “Xardín de Cantos”. Marcos del Torniello, 34
Cambios tarxeta CTA
Esti añu ye necesario cambiar el soporte de la tarxeta respeuto del que se venía usando n'años anteriores. Pa ello, el Consorciu de Tresportes (CTA) ta contactando por teléfonu con toles persones beneficiaries pa da-yos cita presencial pa facer esti cambiu de tarxeta.
En comprobando los sos datos y si resulta beneficiaria de l'ayuda municipal nel exerciciu presente:
- Delles persones que fueron titulares de l'ayuda nel añu 2021 y tienen el soporte de tarxeta actualizáu van recibir la recarga de los viaxes automáticamente nel so soporte en notificándose la Resolución Concesión al Consorciu de Tresportes.
- A la persona a la que se-y dea l'Ayuda la primer vez tendrá de dir buscar la tarxeta a les instalaciones del Consorciu indicaes na Resolución de concesión, cola cantidá que-yos concedan, teniendo pa ello, qu'acreditar que ye de verdá la persona a la que-y dan l'ayuda con cualquier mediu válidu en derechu. Si fuere necesario pidir cita enantes, pondráse'l númberu al que llamar na mesma Resolución.
Requisitos
· Tar empadronáu o empadronada n'Avilés.
· Ser mayor de 60 años.
· Tar en dalgún d'estos supuestos:
- persones retiraes que tengan una pensión del Sistema Públicu de Pensiones o ser maridu/muyer o pareya estable
- persones que cobren el salariu social básicu o maridu/muyer o pareya estable
- persones que cobren una pensión compensatoria
- persones que cobren l'ingresu mínimu vital
· Que los ingresos netos tean dientro'l baremu económicu de la cláusula séptima de la presente convocatoria.
La información completa p'algamar la subvención puede consultase na convocatoria de l'ayuda, espuesta nel Tablón d'anuncios municipal, nes zones de Servicios Sociales y en www.aviles.es nel enllaz:
https://sedeelectronica.aviles.es/DetalleTablon.aspx?id=17007&lang=es-ES
Pa dar estes ayudes hai de tener en cuenta el baremu económicu que vien darréu:
1 miembru: 750 € netos mensuales como muncho
2 miembros: 1015 € netos mensuales como muncho
- Personas y Bienestar